Chesta paggena è stata leggiuta du' vote e mo è fernuta.
250
'o mese mariano
Don Gennaro
(imbarazzato, tremante, vuol nascondere il suo turbamento)
No... niente... Chella ’a piccerella... steva abbuccanno ’o calamaro...
Carmela
Matalè, iesce ccà! (va alla scrivania e afferra per mano la bambina).
Matalena
(piganucolando)
Nun è overo! Io nun stevo facenno niente!
Carmela
(alla suora)
’O bbedite che se passa cu ’e figlie? (a Matalena) Statte ccà... Pazzea c’ ’a pupata... N’ata vota nun te porto cchiù!
La Suora
Dunque? Com’è che la vedo qui?
Carmela
Chi, io? So benuta a truvà a Peppeniello... V’ ’o ricurdate?... Chillo piccerillo ca ve cunzignaie mmano a buie, int’a l’ Asile infantino...
La Suora
Difatti... Mi ricordo...
