Raffaele
Iesce!... (l’afferra pel braccio e la spinge verso la porta).
Concetta
(accorrendo, fuori di sè)
Nun ’a fa male!... Rafé!... Ma tu overo dice, neh Rafè?!...
Raffaele
(convulso, ridendo, con le mani sul dosso)
Ma tu vide, ’a cumbinazione... i’ che se vene a sapé!... Ma overo ca ce sta nu Dio!... (a Silvia ch’è rimasta presso la porta con la mano sulla chiave) Vattenne!
Silvia
No!... Nun mme ne cacciate!... Io sto ccá fora... (apre la porta) Dimane mme ne vaco... A primm’ora... (a Concetta, che le si avvicina, smarrita, sottovoce) Nun ’o ddicite a nnisciuno... (guardando il padre che avanza, minaccioso) ’O bbedite ccà... mme ne vaco... (a Concetta, che s’è ritratta, con un soffio di voce) Mammà!... Mammá!...
(Scivola dietro l’uscio. Sparisce. La si sente singhiozzare per le scale. Raffaele corre alla porta, la chiude a chiave e le si addossa spaventoso. Concetta gli è di faccia, e si appoggia al comò, intontita. Vorrebbe e non può parlare).
Raffaele
E tu... Nun ne sapive niente?...
