Chesta paggena è stata leggiuta du' vote e mo è fernuta.
46
'o voto
Amalia
E po’ vedimmo!... (via, minacciosa)
Don Marco
’On Ví, nun ve pigliate collera!
Un uomo
(dalla destra)
’On Má, mme vulite fa sta barba?
Don Marco
Pronto! Iammuncenne. (entra, assieme all’avventore, nella bottega)
Rabbiele
(rimettendosi a sedere davanti al suo banchetto)
Aggia vedé si mme fanno turná a sosere! (Canta)
« Saglieno e scenneno li prufessore!
Ll’aggio perduta, nun c’è cchiú speranza!...
Nu catapláseme ncopp’a la panza... »
(Batte la suola)
Voce interna
Rabbiè?
Rabbiele
Gno’?
