D. Asdr. (correggendolo) Defraudato.
Pulc. Già, deflautolato.
D. Pangr. (continuando) Io l’aggio ditto: provami come l’ho defraudato.
Pulc. E io l’aggio fatto vedè che da otto leva otto resta zero, e, non avendo carta, calamaro e penna, nce l’aggio fatto vedè co’ ’e scagliuozzole, pecchè l’aggio ditto: da otto leva doie quanto resta?
D. Pangr. Io ll’aggio risposto: sei.
Pulc. E da sei leva due resta quattro; e da quattro leva quattro?
D. Asdr. Resta zero.
Pulc. E mò si na bestia tu pure, pecchè da quattro leva quattro resta ’a carta; io nce l’aggio dato, e nun ’a vò.
D. Pangr. (osservando) Isso s’ha magnato ’e scagliuozzole, io ’a carta che ne faceva?
Pulc. ( con allusione satirica) ’A purtave ncoppa a qualche banca fruttuaria che lle serve p’assicurà la rendita.
D. Pangr. (con minaccia, a Pulcinella) Tu non ’o ccride che nce passo nu guaio cu ttico? Vedite!... sta straccione mi viene sempre fra i piedi.
Pulc. Schiavo oscelleuza A che ora vuol fare il disgiunello alla forscella?
D. Pangr. Seh, cuffeia tu.
D. Asdr. Ah, ca si mme riesce un progetto che tengo in mente, se arrivo a trovare un socio che mi fa fronte ad una piccola spesa, diventerò io e lui milionario.
D. Pangr. (con premura a D. Asdrubale) E nuie nò?
Pulc. ( c. s. ) E pecchè?
D. Asdr. Perchè siete gente senza criterio.
Pulc. ( con allusione ironica, a D. Asdrubale ) Ha ragione che simme senza cretame, se a Forcella l’hanno strutta per comporre questo pastore de nu grano.
D. Asdr. Coffeia tu, che appriesso parlammo.
D. Pangr. (sprezzante, a D. Asdrubale) Che progetti e progetti hai da fare tu, avvocatuccio di quattro a grano. ( con presunzione ) I progetti lascili fare a me che sono algebrista rinomato; io che ho scoverto la chiave di moltiplicare i denari senza moltiplicazione.
D. Asdr. ( similmente, sprezzante ) Tu!?... Va, va.
Pulc. Ed io, ho trovato il modo di far figliare i denari, come fanno le banche fruttuarie. Ditemi, perchè si chiamano banche fruttuarie?
D. Pangr. Perchè fruttano denari.
Pulc. Gnernò... fruttano, ma il f rutto qnanno è ammaturo
