Calliope disse, se ssa cosa vace,
Lo Tarì pè che lettera se gira?
Chella temologia muto me piace,
Ca vole dire, che le boglie tira.
Melpomene respose haggiate pace,
Ca io de tutte vuie dò cchiù à la mmira,
La doppia è torriaca de l’affanne,
Ch’addoppia li contiente, e addoppia l’anne.
Rise lo Mmasciatore, e Apollo disse,
Haie raggione Melpomene da vero;
E chi ca l’Arma havea lo Munno disse,
Sez’autro ch’era doppia happe mpenziero.
Tanta scompèro pò dicome, e disse,
Ch’era già meza notte, e no becchiero
Pigliato mmano pè no sciaquadente,
Se ne iero à dormire docemente.
CANTO VI
N
on cossi priesto tutte appalorciaro
Le stelle secotate dall’Aurora,
Che Febo, e tutte l’autre se levaro,
Azzò li carcerate escano fora,
Vestute chiano chiano s’abbiaro,
Ca de fare la viseta era l’hora,
Ecco ogne carcierero, ed’ Agozino
Lo veneno a scontrare pe cammino.
D’oro
