'O DIAVULONE - (a 'O figlio d' 'a Madonna) Gué! fatica lloco!
'O FIGLIO D' 'A MADONNA (alle donne) Me vò fa' scapezza'60 vicino 'a 'ncunia61! Dice ca simmo assaie! (Ripiglia la nenia)
Uno 'e meno. Va meglio 'o padrone:
tene sempena femmena 'e cchiù.
E arrammanno62 na concola 'attone63,
dint' 'a recchia64 lle fa nu ciù-ciù:
"Tant' è muorto: tu sì na figliola:
vuo' muri' pure tu, ma pecché?"
E 'a guagliona65 accussì se cunzola66:
"Vuo' sape'? meglio a isso che a me"
Simmo zingare, carne 'e sudore;
sempe fore paese, 'n disparte.
Uno more? E lassato addo' more!
'A matina, 'a bon'ora, se parte.
Spezza la musica
'O DIAVULONE - (a Palomma) S'è fatta? Famme assaggia'.
'A FATTUCCHIARA - (scattando) E n'ata vota67 mo68? Hê sentuto ca nun s'è cotta ancora?
'O DIAVULONE - (adirato) Che vvuo', tu? (Gli zingari smettono di lavorare, muti, attenti).
'A MARIOLA - (sottovoce a 'A tatuata) Zitte, mo s'afferrano!
'A FATTUCCHIARA - (inveendo verso Palomma) E st'ata schifosa...
FIGLIO D' 'A MADONNA - (guarda 'O diavulone e si reprime a stento) È 'O diavolo...
'O DIAVULONE - (con gli occhi accesi di bile) Io?
'O FIGLIO D' 'A MADONNA - No... (Con uno strano sorriso ironico) E allora io dicevo: "è 'O diavulone..." È 'o diavulo, ca ce mette 'a coda! (Gli zingari ammiccano, poi ripigliano il loro lavoro, in silenzio).
'A TATUATA - (teneramente a 'O figlio d' 'a Madonna) Hê visto? si mo, apposta 'e vule'
60 scapezza': sbattere il capo per terra; per dire: morire istantaneamente.
61 'ncunia: incudine.
62 arrammanno: rivestendo di rame.
63 concola 'attone: conca di ottone.
64 dint' 'a recchia: nell'orecchio.
65 guagliona: ragazza.
66 cunzola: consola.
67 n'ata vota: un'altra volta.
68 mo: ora.
