Canzone e Ariette nove/Ariette nove/Si stu mierolo...

 EPUB   MOBI   PDF   RTF   TXT
 
[p. 90 càgna]

Si stu mierolo mme sesca…



Si stu miérolo mme sesca
     quann’ i’ traso int’ ’o purtone,
     che vulite, ave raggione,
     nun mme pozzo ribbellà.
          Core a ccore isso m’ha visto
               ciento vote cu Nannina,
               core a ccore — ogne matina
               e ogne sera — raggiunà…

Mo vede a me sultanto. E fa stu sisco
     comme vulesse dicere: «Ch’è stato?»
     Comme vulesse dicere: «’O ccapisco:
     Nannina t’ha lassato…»

[p. 91 càgna]


     M’ha lassato. E sì, va bene…
          Mme disprezza — sta cu n’ato —
          mm’ha traduto — mm’ha cuffiato —
          c’ aggia fa? Mm’aggia sparà?
               Si mme sparo e po’ che dice
                    sta simpatica vicina
                    ca è antipatica a Nannina,
                    e già stà pe s’abbuccà?…

Mìerolo, ca mo tuorne a fa stu sisco,
     si’ fino! Mme vuo’ di’: «Mo ll’ ’e’ ncarrata!
     Nannina è nfama? E tu miettela ’o ffrisco.
     Chesta è mmeglia ’e chell’ata!..».

This page was moved from . It's edit history can be viewed at Chiàcchiera:Canzone e Ariette nove/Ariette nove/Si stu mierolo...