Teatro - Menotti Bianchi/Notte
NOTICE: Mixed italian-neapolitan. In general, italics are for theatrical indications and are given in italian and dialogs are mostly in neapolitan.
A
Salvatore Di Giacomo
Aniello
'onn Amalia
Cuncetta
Peppeniello
Rusella
Taniello
Carmeniello
Nunziatina
Furturella
Assunta
Gnesella
Vito
Tore
Biase
Mimì
Due Guardie di P. S.
Popolani (comparse)
A Cariati, al crocevia, su i quartieri di Toledo, fra i tortuosi vicoli della vecchia Napoli, in una paurosa notte di pioggia, s'erge, di fronte al vicolo cieco « Caricatolo » un sontuoso calvario, innanzi al quale i fedeli del rione, liberati dal colera del 1884, accendono ogni sera una lampada votiva davanti il quadro dell'Addolorata che sta ai piedi del Gesú. La fiammella agonizza, rossiccia. Dietro la croce, discende a precipizio, la via « Croce Cariati ». A quando a quando, fuggevolmente si vede balenare, in fondo, alla via, il Vesuvio in eruzione, e tutto il caseggiato che discende fino alla città sottostante.
Alla destra del calvario, vedesi un basso, al quale si ascende per una scaletta di pietra, parapettata di tufo gialliccio, lumacata; sul parapetto fiorisce, in un vaso di creta, una pianta di garofani in fiore.
Tutto è avvolto nella fitta oscurità della notte. Piove e lampeggia.
Sulla sinistra, dietro la porta socchiusa del basso di donna Amalia, brilla un fioco riverbero di luce di candela che si riflette sul lastrico bagnato e sulla paglia sparsa dinanzi alla casa. Non ostante l'ora tarda, e la notte piovosa, qualche finestra è ancora socchiusa, qualche volto femmineo si protende, guardando
verso la casa della morte.
La via è deserta. Passano rari popolani che si segnano davanti al calvario e si soffermano per poco dinnanzi al basso di donna Amalia, dove si veglia l'agonia di un giovane che muore per amore.
Io mo moro!... Mo moro!...
No, core 'e mamma, no; nun o di'!.. (Passa una popolana).
Ma', chiammateme nu prevete (Tossisce) Io mo moro!... Me voglio fa' l'ora 'e Dio.
Figlio mio!... Mo t''o manno a chiammà.. E comme, madó!... Nun te vuò smovere no?
(Si ode un pianto dirotto. Due donne si segnano e si soffermano davanti il basso, in ascolto).
Ma', nun chiagnere... Io moro, perdono a tutte quante. (Un forte colpo di tosse).
(Due guardie di P.S., con l'impermeabile, attraversano la via, dalla sinistra alla destra, con passo cadenzato, uguale. Poco dopo, dal basso di Aniello esce di corsa Peppeniello. 'on'Amalia immediatamente appare sulla soglia del basso e lo chiama).
Aspè, Peppeniè!... Piglieto 'o mbrello, ca sta chiuvenno.
Che ghiate penzanno! Io vaco e vengo!... (Fa per correre).
E siente!... Doppo ca è chiammato 'o santissemo a' parrocchia, accattè doie connelotte 'a don Andrea. (Si asciuga una lagrima). Te': 'e quatto sorde.
E non sarriano bone 'e doie cannele d''a Cannelora, ca stanno appese 'o lietto?...
Va! e viene ambresso.
Duie minute e sto cca!...
(Esce dal basso e si avvicina a 'onn'Amalia, che piange appoggiata con le braccia allo stipite della porta). 'Onn'Ama', Aniello ve vò.
'O vedite cca!.... (Si asciuga gli occhi). È Dio, siè Cuncetta mia, ca accussì vò!... N'aggio fatto priarie, n'aggio mannate messe all'aneme pezzentelle.... Niente! Niente!.....
Vuluntà 'e Dio!... Segno ca accussì era destinato, 'Onn'Amà!.....
Parlate bello, parlate!... Mm'è figlio!..
E chi ve dà tuorto. Aniello, pe essere troppo nu buone giovene, s'è arredutto accussì. Avite visto che smanie ca tene 'sta sera?
Siè Cuncè, io so' mamma, e nun mme 'nganno. Chi sa si figliemo 'a tira anfino a dimane!... Me l'hanno acciso, me l'hanno!..
Veditene 'a fine, 'onn'Amalia mia. L'hanno 'a chiagnere a lagrime 'e sanghe chello c'hanno fatto a chillo guaglione!
(Singhiozza) Ah! Nun me ne scurdarraggio maie e po' maie 'e chillo figlio!... Che core, siè Cuncè, che core!... Ha perdunato a tutte chille che l'hanno fatto male. L'avite sentuto?
E vuie pure, avite 'a perdunà.
(Con scatto) Io no!... Maie, maie!... Me n'aggia vevere 'o sanghe 'e chella scellerata, me n'aggia vevere!...
'Onn'Amà, dich'io, pecchè va pigliate tanto cu chella povera scunzulata?
'A difennite?...
No, ca nun 'a difenno; ma l'avisseve 'a vedè comme è arredotta... Chiagne matina e sera, e propio ogge m'ha ditto ca vuleva venì ccca pe se menà 'e piede d'Aniello.
Ma, io, ce l'aggio scunzigliato.
Avite fatto buono!... Nun saccio comme le sarria venuta.
Aiutateme!... Mo moro!... Oi' ma'!... (Le due donne si precipitano nel basso).
(Arriva di tutta corsa e grida) Siè Cuncè! (Concetta esce dal basso) Sta venenno 'o Santissimo!... Vene 'o sottaparroco.
Peppeniè, fallo trasì p''o palazzo. (Fa per rientrare nel basso).
'E vulite 'e cannelotte?...
Appiccele tu stesso nnanze a Gesù Cristo. (Indica il Calvario)
Tenite nu fiammifero?...
Aspè!.. (Entra nel basso, mentre Peppeniello aggiusta i ceri innanzi al Calvario. Quindi riesce e dice al ragazzo) Peppeniè te'.
Va bene accussì?... È schiuòppeto.
(Con le mani giunte in atto di preghiera). Ah! Gesù Cri, fance 'a grazia!... (Rientra nel basso. Il viatico, non visto, è entrato in casa di Aniello. Si ode il tintinnio del campanello; una luce viva di candele e di frasche accese risplende nella via. Assunta appare sulla loggetta alla destra del calvario con un lume acceso, che depone sul parapetto; poi si inginocchia e prega. Nunziatina, Furturella e Gnesella escono dalla destra, si fermano e s'inginocchiano dinanzi al basso di Aniello... Così pure Vito, Tore, Biagio e Mimì, i quali con devozione si curvano e si tolgono il berretto. La pioggia è cessata. Si sente il pianto di 'Onn'Amalio e il campanello del Viático che si allontana nella notte oscura. Il basso di Aniello resta nella oscurità. Le donne si alzano, gli uomini si rimettono il berretto. Assunta toglie il lume e rientra).
(All'amico) S'ha fatto pure 'e sacramente, 'e' visto?... Povero Aniello!
Era nu bravo amico.
Ch'aggia di'?... É stata corpa mia? Che ne putevo sapè!...
Corpa toia?... E pecchè?... Segno ch'aveva succedere accussì.
Chi 'o ssape? Forse sarrìa stato meglio si nun ll'avesse ditto 'a verità.
(Alle donne che la circondono) Cca nun se ne capisce niente, pecchè chi 'a conta cotta e chi 'a conta cruda.
'O certo è ca Aniello, a comme se dice, ha pigliato 'sta scippa centrella pe mezzo d''a 'nnammurata...
(A Carmeniello) Che stanno dicenno?...
Parlano d'Aniello.. So' femmene, se sape..
E che diceno?
Ch'hanno 'a dicere?.., Nun se sape? 'E ssolite chiacchiere.
Tutte contro 'e me, 'o saccio. Aggio tuorto; si nun avesse parlato sarria stato meglio.
Chesto po' no; anzi sarria stato peggio, siente a me... Aniello t'era amico...
Ma io 'o voglio vedè pe l'urdema vota... lle voglio parlà pe chiarì tutte cose pe rimorso 'e coscienza.
Si' pazzo?... Chillo sta 'e chella manera!
Io ll'aggia parlà!...
Taniè, ma tu si' pazzo?!
Io nun me pozzo dà pace... Ma comme, era na bella cosa si lle faceva sposà chella femmena... ca io? E l'amicizia, allora?... e l'onestà?
Ma, dico io: tu nun ce 'o putive avvertì primma?...
Primma?... Ma isso me n'ha fatto sempe nu mistero d''o bene ca vuleva a Rusella.
E Rusella?...
Pure 'o stesso. É femmena... E quanno cchiù 'e na vota ce l'aggio addimannato, se l'ha anniato sempe...
Che busciarda, assassina!...
(Uscendo sulla loggetta dice, al gruppo che parla in fondo sottovoce) Guè, state facenno suggità?... Chi veco! Furturella, Gnesella, e pure vuie, 'on Vito?... Bravo! Simmo tutte d''e nostre!
Me so' truvato a passà 'a cca, e me so fermato pe vedè addò ieva 'o Santissimo!
(Ad Assunta) Assù, 'è visto?...
È nu sparpetuo, Furturella mia!... Io sola saccio chello ca passa ogne notte chella povera 'onn'Amalia, ca p''a malatia d''o figlio s'ha levato anfino 'e chiuove d''a casa. (Scende nella via).
Povera femmena!... E isso, povero giovane che ha appezzato 'a pelle!...
'On Vì, vuie 'o canusciveve?...
Si 'o cunuscevo?.. Comme! Eramo amice.
Mannaggia 'e femmene e chi 'e ccrede!...
Se ne pozza perdere 'a semmenta!...
Schiavo oscellenza! Vuie ate uommene pure site na bella mercanzia...
Aspè! Si vulimmo, àve ragione Tore: nun è sempe pe causa vosta ca succedono tanta guaie?...
Se capisce!
'A verità, Aniello ne puteva fa' a meno 'e ne piglià na malatia... Nun ce steveno cchiù femmene a Napule?...
E già! 'O ragiunamento d''o ciuccio!...
Pecchè?...
Pecchè è bello chello ca 'o core piace..
Comme no!... L'avisseve avuto 'a vedè quanno Aniello sapette ca Rusella era stata disgraziata.....
E chi nce 'o dicette?...
Chillo stesso c'aveva fatto 'o guaio.
Che mfamità!... Nun disprezzanno, Rusella è na bella figliola overo...
E c'arta fa?
'A capera.
Arta liggiera!...
'E ssiente quante ne stanno dicenno?..
Lassa 'e di', che te ne 'mporta!... A stu paese, e 'a penzà na cosa, accussi s'ausa... 'O cetrangolo spremmuto ce se dà nu caucio 'a coppa...
(Trattenuto da Carmeniello). Ma io...
Che 'e perzo 'a capa?... Lassa 'e di'!... (Taniello parla concitato con l'amico).
(Ad Assunta) E vulite fernì 'e ce cuntà 'o fatto?...
Sempe pe ditto, sora mia, ca po' 'a verità 'a sape Dio!...
E dicite, dicite chello che sapite.
È sempe 'a stessa storia! Nu giovane chiammato Taniello, tanto tiempo fa, faceva 'ammore cu Rusella e, comma succede spisso e vulentiere, 'sta povera figliola cadette.. Vuie mme capite... Po' fuie abbandunata.
L'uommene fanno tutte accussì!
Faccio buono io, ca 'e faccio spantecà!...
Rusella, però, nun se perdette 'e curaggio, e doppo poco tiempo se truvaie Aniello, ca se n'annammuraie comme a nu pazzo.
Mo accumencio a capì, 'o bi'!...
Sempe comme m'hanno cuntato, diceno ca stu Taniello, quanno appuraie ca l'amico suio, Aniello, s'era miso cu Rusella e sa vuleva spusà, se dichiaraie su dui' piede, e sbelette tutto 'o fatto. Avite capito?... Ora mo, nun se sape si 'o facette pe gelusia, o pe nun tradì l'amicizia.
O l'uno o l'ato, facette na mala azione!..
(A Taniello) Taniè, jammuncenne...
(A 'on Vito) E pecchè, si è lecito, facette na mala azione?...
(A 'on Vito) E pecchè, si è lecito, facette na mala azione?...
(Sorpreso guarda Taniello) Sentite: io nun saccio... s'avev''a sta zitto.
A lengua vosta, venea di' ca l'aveva fa' messere?...
Giuvinò, scusate, ma vuie chi site?...
Song'uno ca sape tutte 'e particulare 'e 'sta storia sfortunata!...
(Sottovoce) Statte zitto, Taniè... Ma che vuò fa'?
E allora cuntatincella vuie.
(Risoluto) Si, ca va conto, e ve dico ca Taniello se cumpurtaie onestamente, quanno a tiempo arapette ll'uocchie a ll'amico suio cchiù caro e affezionato.
(Tira l'amico per un braccio) 'A vuò fernì o no?
Lassate 'o parlà, giuvinò!
Ammeno se chiariscono 'e ccose.
Na vota ca ce truvammo...
Aniello, giovane aonesto e faticatore, nun se puteva spusà Rusella, e 'st'amico, ca 'o vuleva bene assaie, sarria stato nu 'nfame se nun ce l'avesse avvertito...
Ma Aniello nun 'o credette... Pecchè?
Pecchè a stu munno scellarato sempe accussì succede... Aniello, p''o troppo bene ca vuleva a Rusella, credette ca ll'avevano cacciata na calunnia: e po', essa s'anniaie, e giuraie e scongiuraie ca nun era overo...
Puverella!...
Ve vulite fa' nu nemico? Dicite 'a verità.
Si, accussì è...
E Rusella?... Pur essa puverella, c'aveva 'a fa'? Puteva di' a ll'ommo ca vuleva bene: « Io t'aggio 'ngannato »?... È na parola!
Forse sarria stato meglio... Certo, mo, (indica il basso di 'onn'Amalia) nun avriano visto stu sparpetuo.
N'ha pigliato 'a mala salute..... Povero Aniello!
Comme s'è arredutto!.. Che simmo nuie!...
'Sta sera starrà peggio assaie. Te', vide cca, hanno menato pure 'a paglia pe terra, pe nun fa' sentì 'o rummore d''e ccarrette.
(Appare sulla soglia del basso). Bona ge'!... che v'avite fatto afferrà?... 'O ssapite ca ce sta nu malato, ca s'ha fatto pure 'e sacramente?
Si, si, avite ragione... Gnesè, io ve saluto...
Bonasera e salute, Assù... Neh, bonasera a tutte!...
Bonanotte! Bonanotte!...
(A Concetta) Comme sta?
Chiù 'a llà, che 'a cca.
Cuncè, se ve serve quaccosa... senza cerimonie... chiammateme.
Ve ringrazio, Assù!
Dateme 'o permesso... (Rientra in casa).
Stateve bona... (Tutti, a poco a poco, escono; meno Taniello e Carmeniello).
(Si avvicina a Cuncetta). Cuncè!
Uh, Taniè! Vuie?...
Io... Pecchè?
Aniello s'ha fatto 'e sacramente...
'O ssaccio... Cuncè, crediteme, pe quanto è certo Dio, io so' nnucente!...
Taniè, iate, cuntatelo a n'ata...
Pure vuie?!...
Vuie l'avite acciso, a chillo povero giovene, vuie, vuie!...
So' stato io?... E che v'aggia dicere!... Eppure, sentite, 'a tutte quante me putevo aspettà na calunnia, ma 'a vuie no!... Basta: 'o Signore v''o perdona. Si ve cerco nu favore, m''o facite?..
Che vulite?... Parlate.
Vurria vedè Aniello pe l'urdema vota.
Ve faccio pazzo?!
(All'amico). Che vaie penzanno?... Iammuncenne...
No, io 'a cca nun mme movo... I' tengo 'a cuscienza netta...
(A Cuncetta) Iammo, ca si vulite 'o potite cuntentà. Che ce sta 'e male?... Lassate nu mumento 'a porta aperta, chillo, Taniello 'o vede 'a cca fora....
'A cca, si, 'a cca!... Io me cuntento.
(Incerta). Ma nun po essere... E si se n'addona 'a mamma?...
Ma io nun mme faccio vedè.
Meh, iammo, facitelo cuntento.
Vuie che bulite, che bulite 'a me?... Si fosse pe Aniello, chillo già v'ha perdunato..
(Con gioia) M'ha perdunato?!
Si... È 'onn'Amalia ca sta ustinata cu vuie e cu Rusella... Ce pazziate, a perdere nu figlio giovane giovane?
E chi po dicere 'o cuntrario...
Iammo, Cuncè, facitelo cuntento.
Vuie me cumprumettite...
Nun avite paura.. È custione 'e nu mumento...
(Risoluta) Embè, allora, subeto subeto; mo lasso 'a porta aperta e vuie 'o vedite.. V'arraccumanno però... (Entra e lascia la porta aperta).
(Va a guardare e indietreggia). Madonna mia!....
'E' visto mo? e iammuncenne
'O voglio vasà!...
(Lo trattiene). Pe l'accidere cchiù ampresso?
(Torna a guardare). Se sta muvenno. Dio, comme s'è cagnato!
Iammuncenne. Se po truvà ascì 'onn'Amalia...
(Con l'ansia di chi vuole avere il perdono.) Aspè, n'ato mumento!...
Che vuò fa'?... (Lo allontana dal basso. In questo, Cuncetta chiude la porta).
Ah! Che barbara sorte!... (Sospirando, si volta per guardare Aniello, ma la porta s'è chiusa). Hanno nchiuso!...
Facimmece duie passe...
(Avvolta in uno sciallo nero, s'incontra con Taniello vicino al calvario. Riconoscendolo, gli dice:) Tu cca?!...
(Con dolore) Si.. so' venuto pe vedè Aniello pe l'urdema vota...
(Con spavento) Muorto?!...
Nun ancora... Ma nun tene manco nat'ora vita....
Nat'ora?!... Dio, io l'aggio acciso!... Ma tu cchiù 'e me!... Ah!... Nun truvarraie maie requie pe chello ca m''e' fatto!
Tu aie ragione; ma io nun te voglio male, no. E si so' stato sincero cu Aniello...
È stato.. pecchè 'o vulive bene, 'o ssaccio... e p''o troppo bene l''e' acciso!... Io nun te dico niente... Dio t''o perdona 'o male ca m''e' fatto.
Aggio tuorto... È ghiusto! (Tirato dall'amico s'incammina per andar via).
Addio, e sperammo 'e nun ce ncuntrà maie cchiù...
(A Carmeniello) Tutte nemice, tutte! (Escono).
(Si getta ai piedi del Crocefisso) Gesù Crì! Tu ch''e' sufferto tanto 'n croce, pe nuie, perdona a 'sta peccatrice ca nun è degna manco 'e t'annummenà!... (Dal basso di ' onn'Amalia si sente tossire Aniello. Rusella solleva il capo, si alza e risoluta corre a battere alla porta di Aniello).
(Appare sulla soglia del basso, pallida, severa). Te stevo aspettanno.
(Con voce di pianto) Aniello?... Pe carità, diciteme comme sta!
E tiene 'o curaggio 'e m'addimannà?
Diciteme tutto chello ca vulite, ma rispunniteme: comme sta?
Vattenne! Vattenne! ca nun me te fido manco 'e te guardà!
Ma c'aggio fatto?... C'aggio fatto ca me disprezzate 'e 'sta manera?
Chello ca fanno 'e femmene perdute!.... M''e' ngannato nu figlio, m''e' ngannato!...
Ngannato, è overo! Che v'aggia risponnere? Vuie site 'a mamma, e io, pe quanto me potesse disculpà so' sempe na scellerata 'nfame a ll'uocchie vuoste... Ma, 'sta scellerata, ll'ha voluto bene assaie 'o figlio vuosto: e prova ca mo mentre isso sta morenno se trova nnante 'a porta d''a casa soia.
Pe le venì a dà l'uoglio santo!...
Io?!.... E cu che core 'o putite di', 'onna Amà? È peccato murtale! Surtanto chillo Giesù Cristo beneditto, ca p''e peccate nuoste hanno miso 'n croce, po di' chello ca ce sta cca dinto... (Si tocca il lato del cuore).
Nun 'o iastemmà!... Statte zitta!...
'O iastemmo?... E già! Dicte buono pecchè io so' stata ca l'aggia miso 'n croce... Giesù Crì! so' stata io ca t'aggio 'nchiuvato?. Si, si, so' stata io, e m''o mmereto d'essere trattata accussì!... C'aggia fa'? È 'o destino 'nfame ca me perseguita!...
(Ironica) Povera 'nnucente!
'Nnucente, si! Fuie n'ommo ca me lusingaie e me 'ngannaie. E io 'o credette, pecchè, senza mamma e senza pate. Si primma 'e 'ncuntrà stu scellerato, avesse 'ncuntrato a chill'angelo d''o figlio vuosto, tutto chesto nun sarrìa succiesso!...
Ma tu avive 'a parlà: tu avive 'a cunfessà tutte a figliemo!
E 'o potevo, io?:.. Quanno po' sapette ca Taniello sapeva tutto, me vedette perduta e.....
Ll'aie 'a chiagnere a lagrime 'e sanghe!..
Cchiù 'e chello c'aggio chiagnuto?... No, nun 'o ccredo, no!...
E te lagne?... Tu si' stata 'a distruzione d''a casa mia sana sana!...
Io sto cca: facitene 'e me chello ca vuie vulite; ma nun m'anniate 'o bene d''o figlio vuosto, c'aggio amato cchiù e ll'uocchie mie!.. Io l'aggio 'ngannato, è overo; ma è stato pe nun 'o perdere...
T'avive 'a zuffunà sotto terra p''o scuorno, e nun t'avive 'a fa' vedè cchiù!:..
Io speravo.... Io aggio sempe sperato, 'onn'Amà!....
E tu 'o vulive bene?... Tu?
L'aggio amato comme se po amà 'a Madonna!... E l'ammore d'Aniello m'aveva fatto addeventà n'ata vota comm'era primma... V''o ghiuro!
Nun ghiastemmà!... Statte zitta!... Vattenne!
Site sempe 'a stessa femmena vuie; ma io c'aggio fa', c'aggia di' pe ve smovere?... Me vulite fa' ascì pazza?... (Con preghiera) 'Onn'Amà, facitelo pe chi tenite mparaviso: perdunateme: so' na povera sfortunata!
Ma nun te n'adduone ca io sto tremmanno sana sana?... Ah, ca te vulesse sceppà 'o core 'a pietto, te vulesse!...
Site senza core!
Senza core, si... Ma vattene 'a nnanze a me, ca si te vedesse morta 'n terra te sputarria ciento vote 'n faccia!
Dicite, dicite chello ca vulite vuie... Se ne sentette tante chillo Cristo beneditto.. (Indica il Calvario).
Vattene, auciello 'e mala nova, 'annanze 'a casa mia!... Vattenne!...
Me ne vaco; ma primma aggio 'a vedè Aniello... I' so' venuta cca p'essere perdunata... E vuie me l'avite 'a fa' vedè...
(Va incontro a Rusella in atto di minaccia) Vattenne, si nun vuó na botta 'e curtiello sott''o core! (Rusella indietreggia) 'Nfame 'Nfame!
(Risoluta). Acciditeme, si tenite o' curaggio. Si, acciditeme nnanz''a porta d''o figlio vuosto...
(Minacciosa) Rusè, nun me tentà... (Afferra Rusella, e con la mano armata d'un coltello). T'accido!!...}}
Ma'!... Oi' ma'!... (Si ode tossire Aniello)
(Ha ribrezzo di quello che stava per commettere). È isso ca t'ha salvata!... 'O siente?... Tiene 'o coraggio d'aizà ll'uocchie sulamente
(Abbassa lo sguardo) Dio ve risponne pe me!... (Ricomincia a piovere, tuona e lampeggia in lontananza).
Ma'! Ma'!.. (Rusella si slancia per correre nel basso di Aniello. 'Onn'Amalia la ferma).
'O vuò fernì e distruggere?...
(Dà un grido) Aniè!... Core mio!...
Rusè!... Rusè!.. (La voce si spegne).
(Con scatto) Acciditeme, ma l'aggia vedè pe l'urdema vota!...
Ma'!... Oi ma'!...
(Si sofferma ed escalama:) Ah! Giesù Crì, Giesù Cristo mio! (Corre al Calvario e cade in ginocchio. 'Onn'Amalia si precipita nella casa e ne chiude la porta. Rusella prega).
Figlio! Figlio! mio bello!...
(Si alza, si precipita alla porta del basso e picchia ripetutamente) Arapite! Arapite!.. 'Onn'Amà!.... Aniè! Aniè!... (Qui è fioca e le forze le vengono meno. Rusella con le braccia protese scivola sulla porta, si piega su sè stessa, e resta accosciata, singhiozzando:) Aniè!... Aniè!... (Tace. Il temporale imperversa orribilmente. Le due guardie di P. S. di ronda attraversano la scena).
Napoli, 9-10 Settembre 1895.