Teatro - Menotti Bianchi/Trezza d'oro
NOTICE: Mixed italian-neapolitan. In general, italics are for theatrical indications and are given in italian and dialogs are mostly in neapolitan.
A
Renato Simoni
'Onna Carmela.
Trezza d'oro.
Biasiello. (*)
Paolo.
'On Giuvanne.
Nannina.
Nu viecchio signore.
Aniello.
(*) La parte di Biasiello può essere sostenuta dalla prima attrice giovane.
In portineria. Una piccola camera con una porta a vetri nel fondo. Dietro i vetri si vede una breve corte e lo svolgersi delle scale marmoree che s'innalzano fino ai piani superiori. A destra un quadro di legno con cinque portavoci di ottone giallo e lucido, allineati. Un po' più alto la rastrelliera per le lettere con qualche lettera e qualche giornale. A sinistra una vecchia cristalliera con stoviglie rustiche. Nel mezzo della camera un tavolo grezzo con un tappeto logoro e sfuggente. Intorno, alcune sedie impagliate. Le pareti sono ornate del ritratto del Re e della Regina in oleografia volgare. C'è anche l'immagine di un Santo e qualche figura tratta dalle pagine della Scena Illustrata o da altra rivista a colori.
C'è anche una mensoletta di gesso con un mezzo busto di Garibaldi pure in gesso. Sulla sinistra della prima quinta una porta che dà nell'unica stanza che fa da camera da letto.
E un mattino di state, ambiguo e quasi oscuro in quell'ambiente sottomesso.
Donna Carmela, è seduta vicino al tavolo e sorseggia il caffè, che versa da una piccola caffettiera di latta nel coverchio. È pensierosa. Dalla camera da letto giunge il canto della ninna-nanna che Trezza d'oro canta alla sua creatura. La vecchia si commuove e si asciuga una lagrima.
— Vienece, suonno; vienece da li monte
Viene, palluccia d'oro, e dàlle 'n fronte!
— E dalle 'n fronte, e nun mme la fa' male!
Ca è piccerella, e 'a nonna mo vò fare!
— E nonna, nonna — nonna, nunnarella!
Lu lupo s'ha mangiata 'a pecurella!
— Ah, pecurella mia, comme faciste,
Quanno mmocca a lu lupo te vediste?!
(A Trezza d'oro che cammina sulla punta dei piedi, e volge la testa indietro per assicurarsi che la bambina dorme) S'è addurmuta?... I' che nziria c'aveva pigliato! Vuleva afforza 'a pupata d''a figlia d''a maestrina.
Aviv''a vedè cu che preputenza ci 'a sceppava d''e mmane, alluccanno: «È 'a mia!... È 'a mia!...» Ce n'è vuluto p''a fa' capace! Si nun era pe Biasiello, ca s'è truvato a tiempo, t'assicuro ch''a pupata se sarrìa fatta tant''o piezzo!
Site vuie che l'avvizziate malamente...
È piccerella...
A sett'anne, se capisce chello ca se fa...
Già!... Comme si tu a sett'anne nun ire cchiù verrezzosa d'essa... Nun te parlo 'e chillo lazzarone 'e Biasiello... Chillo, è stato sempe 'a disperaziona mia...
Ma però tene nu bello core!...
Nun t''o nego; ma ten''a capa sciacqua.
È nu guaglione ca nun se fa fa' scemo. È nu poco manisco, ma è nu buono figlio.
A quinnece anne 'a capa s'ha dda tenè 'o pizzo suio. Ma quanno, quann''o purtarrà nu sordo 'int''a casa? Maie?...
S'aveva 'mparà n'at'arte?...
Se 'ncapricciate ch'aveva fa' 'o pittore, l'artista, 'o nguacchia tela... Ma aggio paura ca Biasiello nun sarà buono manco a ianchià na cucina...
'O ccride tu!
Pecchè, m''o vuò chiammà artista?.. Pulecenella saglienno 'e scale d''o Tribunale dicette ca era avvucato.. Accussì figlieto. Pecchè va a ll'Istituto 'e Belle Arte è addiventato artista... Comme si p'essere artista, bastasse 'e purtà 'o cascettino d''e culure e 'o ciuffo 'a malandrino!.... Comme va ca nun ll' 'e' chiammato addirittura prufessore?...
Nun esaggerà... Biasiello s'è purtato buono, e 'st'anno, certamente farrà na bella figura. 'O quadro suio...
Ha fatto nu quadro?...
E quanto è bello!... E ce ha miso 'o titolo: «I lazzaroni».
Ha saputo scegliere!... 'E cumpagne suie...
Mammà, tu si' malamente a parlà accussì.
Vattè... ca chillo è nu scugnizzo!... Ha pigliato tutto d''o pate. Da chillo... (Si batte la mano sulla bocca).
(Con risentimento) Mammà!...
'O difienne?.. Faie buono!.. Che se n'è fatto? Te lasciaie accussì...
Chi sa, se nu iuorno...
Io tengo 'e capille ianche... e l'uommene 'e ssaccio 'a dinto e 'a fora...
Ma Pauluccio nun n'avete colpa; fu 'o pate. E tu 'o ssaie, ca 'o mannaie fora...
Che me vaie cuntanne tu... Già, 'a colpa fuie tutta d''a toia.
È overo, 'a colpa fuie tutta d''a mia... ma, io ero na guagliona,.. tenevo appena dicessette anne.. e a chell'età manca 'o iudizio... Dio accussì ha vuluto! E po'... che pozzo pretennere cchiù 'a Pauluccio?..... (Indicando la camera da letto) E chella peccerella? Comme farrìa nu iuorno a dirle: Saie.. patete fuie n'assassino... Saie, patete.. è muorto 'n galera?... Me fa scuorno d'essere stato 'a mugliera 'e chill'ommo T''o giuro!... Sarria stato cchiù cuntenta d'essere stata 'a femmena 'e tutte, ch''a mugliera 'e n'assassino...
Ma, Assuntulella, tene nu nomme...
Bello nomme!.. Ne po i' superba...
Ma 'o tene. Mentre Biasiello, è nu bastardo...
(Con scatto) Mammà!. Biasiello s''o farrà nu nomme, e nu nomme annurato... (Lungo silenzio).
(Fa capolino e resta sulla porta stringendo sotto il braccio la chitarra avvolta in un cencio colorato) Se po trasì?
Site vuie, 'on Giuvà...
Si, songh'io... (Si avanza).
(Lo guarda) Ma ch'è!. Stat'arraggiato?..
So' venuto pe' ve di' ca 'o nepote vuosto è assassino!
Pecchè, che v'ha fatto?
'O ssoleto... una d''e ssoie...
Chillo guaglione fernarrà malamente.... certo 'n galera.
'On Giuvà, abbadate comme parlate!...
Avite ragione... Vuie site 'a mamma e cierti parole ca se diceno 'int''arraggia fanno male... Ma, quanno io me veco sfracassà 'o strumento... (Svolge la chitarra dal cencio) Guardate, guardate cca che m'ha fatto...
Ma, nun sarrà stato Biasiello...
Isso!... Isso!. L'aggio visto proprio io quanno m'ha menata 'a preta...
Pecchè 'o difienne? Nun 'o canusce, tu, a figlieto...
Mammà, avite pacienza... No, io, nun ce pozzo credere....
Facite malamente a pigliarne 'e difese... Si vuie sapisseve cu che razza 'e cumpagne s''a fa... 'O signore ce scanza e libbera... sarriano capace 'e ve passà 'a revista pure 'int''e sacche...
'On Giuvà, fernitela! A figliemo io 'o canosco.... (Don Giuvanne fa spallucce)
E guaie a vuie, si Biasiello ve sentesse.
E se sape!. Ll'avarrìa dà 'o riesto appriesso...
'E' visto comme se retiraie aiere ssera? Ch''e panne stracciate e senza cappiello. E dicite, 'on Giuvà, 'sta preta pecchè v''a menaie?...
Avit''a sapè ca io passavo nzieme c''o cumpagno mio, don Alessio, nnanz'a ll'Istituto 'e Belle Arte, ca s'avarrìa chiammà invece delle brutte arti, quanno na morra 'e giuvinotte, ch''e cappielle a' sgherra, nce abbistaieno e accuminciaino a sfruculiarce: « Fate largo ai prufessori di S. Carlo! » Nuie zitte, e seguitaieme a cammenà p''e fatte nuoste... Quanno, tutte nzieme, ce sentimmo chiovere ncuollo na tempesta 'e scorze 'e purtuallo e aute purcarie... Nuie alluccàmmo, e chilli figlie 'e gran... (Si tappa la bocca con la mano) a ridere... a fa' ammuina. Alessio, 'o cumpagno mio, se vuleva menà aizanno 'o clarino cumme a nu mazzariello, io 'o mantengo.. e na preta.. puffete.. me sfunnaie 'a chitarra...
E po'?..
E po' che, 'onna Carmè?
No, dicevo... Comme iette a fernì?...
Iett'a fernì ca se ne fuiettero...
E pecchè, avite data 'a colpa a Biasiello?
Pecchè, 'o capo popolo era 'o figlio vuosto...
Ma chesta nun è na ragione pe credere c''a pretate l'ha menata figliemo. A' fine d''e cunte po'... si è stato Biasiello, ve pavammo 'a chitarra... e bonanotte...
Mo iammo buono!... 'A chitarra è overo ca era vecchia; ma vecchia comm'era puteva custà na ventenella 'e lire.
'On Giuvà.. vuie che dicite! Cu vinte lire n'accattate na duzzina...
'E cartone!... E vuie allora dateme chello ca vulite vuie. Che v'aggia di'?
Lassate primma c'addimanno a figliemo. Ma, abbadate 'on Giuvà... ca si nun è overo chello ca m'avite ditto, Biasiello nun se ne sta!.. Vuie 'o canuscite... Penzatece bbuono...
(Resta pensieroso, poi si gratta il lobo dell'orecchio) A me m'è parso...
(Con un sorriso) 'O vedite, comme ve ne venite: «A me n'è parso!» Allora, nun 'o ssapite cu certezza? Iucate a lana pierde....
A me, me l'ha ditto Alessio ch'è stat'isso.
Alessio?... Ma si chillo è cecato?
'On Giuvà, scusate, ma chesto nun è 'a vuie!...
Vuò vedè, ca mo, aggio pure tuorto?...
(A suo figlio) Sceta a chillo galioto.
(Si avvicina alla porta) Biasiè!. Biasiè! Susete!... Viene a cca!...
'O 'i cca! Sto truvanno 'o cappiello!...
S'è scurdato ca l'ha perduto... Che capa! che capa!
Viene cca, ce sta 'on Giuvanne 'o sunatore...
(Raccomandandosi) Ve ne prego, nun le dicite subbeto 'o fatto d''a chitarra... Pigliatelo c''o buono.. Chillo beneditto figlio tene certe mmane longhe, e io, nun mme ce voglio mettere a tuzzo..
Nnanze a me se starrà cu doie piede 'int'a na scarpa!
Sta venenno! V'arraccumanno, pigliatelo c''o buono... vedarrate ca cunfessarrà tutto...
(Senza cappello, con la giubba lacera ad una manica. Esce della porta a sinistra). Mammà, pecchè tutta 'sta pressa? (Vedendo 'on Giuvanne) Ah, pe stu viecchio rimbambito?...
Accuminciammo buono!....
Accussì rispiette 'e viecchie?... Ricordete ca 'on Giuvanne sta 'int''a casa nosta...
(Accostandosi a don Giovanni con atto minaccioso e sottovoce) E va bene!.. e va bene! Po' facimme 'e cunte.... Staie aparato!...
Di' 'a verità: che ll''e' fatto a don Giuvanne?
Io?... Niente!... Chi 'o canosce?
Sì, tu!...
(A don Giuvanne) Ah! vuie m'accusate? (Minaccioso) E tenite pure 'o curaggio 'e venì 'int''a casa mia?... (Alla madre) Oi ma'! Chisto v'ha ditto 'a verità?...
Ha cuntato tutto...
Ma comme vuleva isso?...
Di', si' stato tu a romperle 'a chitarra?...
Io?.. No!.. Fuie n'ato giovane 'e ll'Istituto... Ma, 'on Giuvanne, v'ha ditto ca nce offennette?
Chesto no.
'On Giuvà... 'o sentite?
Mammà, tu 'o ssaie si te voglio bene, e a te na buscìa nun 'a dico... Si, è overo ca lle menaieme 'e scorze, ma isso... (Gli si avvicina e fingendo di prenderlo per la manica della giacca gli dà un pizzicotto da farlo gridare) ma isso, ce chiammaie: Mariuncielle. Allora, uno d''e nuoste, offeso, cu nu caucio lle scassaie 'a chitarra...
Nun fuste tu, ca lle menaste 'a preta?
Qua' preta?... (A don Giuvanne minaccioso e facendo atto di mettergli un dito nell'occhio) Tu 'e' ditto ca so' stat'io?.. Di'?...
(Intimorito) Nonzignore, nun aggio ditto chesto... Ma chisto è nu diavolo scatenato!.
Biasiè, 'e mmane 'o pizzo lloro...
(A don Giuvanne) E mo, sa' che te dico? 'A ll'Istituto non ce passà cchiù... Arricuordate 'e solde che t'aggio fatto abbuscà ogne vota ca tu e chillu ietteco d''o cumpagno tuio veniveve a romperce 'e scatole... Guaie a te!.. Va a fa' bene a 'st'affamato...
Eccellenza!.. scusate...
(Dandosi dell'aria e passeggiando) E va bbuono!... Pe 'sta volta si prumiette 'e nun 'o fa' cchiù, aizammo 'a mano...
Chi te fa fa' 'o ferlocco?.. Quanno 'o miette nu poco e' iudicio?... Maie?...
Quanno chiovene passe e fiche secche!
Mammà, 'o vi'? ch'è isso...
'On Giuvà, a vuie ve piace d''o sentere?
A te po' te l'aggio ditto chello ca t'aggia fa'!... A chill'avanzo 'e spitale d''o cumpagno tuio nce aggia penzà nu poco meglio: V'aggia distruggere... uommene inservibili!
(Togliendosi il cappello) E io ve ringrazio!.. Ha cacciat''a sentenze.
'Nfamà nu figlio 'e mamma...
E già, dire 'a verità, vò di' 'nfamà 'a gente.
E mo sapite ch'avite 'a fa'? Venitece quanno meno putite a' casa mia...
E tu chi si'?... (A sua figlia) 'O siente? È asciuto n'ato patrone...
Biasiè, tu si' 'a disperazione mia!... (Ha uno scoppio di pianto).
Mammà, mammà mia!... perduoname... (Le accarezza i capelli d'oro) Comme so' belle 'e capille tuoie. Hanno ragione 'e chiamarte Trezza d'oro.. Pure papà te chiammava accussì. (Trezza d'oro singhiozza nel cavo delle mani) No... nun chiagnere!... (Minaccioso verso don Giovanni) Tutto pe colpa toia... Ma, guaie a te!...
Biasiè.. no.. nun voglio!... Stu penzà tuio te purtarrà sfurtuna.. Tu si' grussiciello e' è 'a mettere iudicio. . . Cca, dinto 'a 'sta casa manca 'o capo 'e famiglia.. e tutte 'e speranze mie so' mise ncuollo a te!
'O voglio vedè stu iuorno...
(Sicuro e con alterigia) Si, mammà!.. Venarrà stu iuorno, e tu p''a priezza me stregnerraie 'int''e braccia toie... (Si asciuga una lagrima) Io nun songo malamente, comme me credite. Io.....
(Lo abbraccia e lo accarezza) No, no! Nun te voglio vedè chiagnere...
(Quasi commosso) Fernitela!. Mo me metto a chiagnere pur'io.
(Gli calpesta un piede) Cuccutrillo!
(Zoppicando con dolore) No, chisto è diavolo!.. È diavolo...
Bebè è in casa?
Sissignore!
V' è il portavoce?..
(Indica il portavoce) Numero tre...
(Si avvicina al portavoce) Eccolo! (Toglie il fischietto e soffia nel portavoce, quindi rimette il fischietto a posto. Aspetta. S'ode un fischio. Toglie ancora il fischietto e parla) Con chi parlo?... Con Bebè?... Benissimo! Non avete conosciuta la mia voce? Io sono il Marchese del Fiore! (Biasiello si soffia fortemente il naso facendo trombetta! Il signore lo guarda irato) E così?.. Non mi fate comprendere nulla.
(Facendo lo gnorri) Tengo nu catarrone... tengo!
Vuol fare una passeggiata?.. Le manderò la vittoria.. No?.. Ha da fare?.. Come?..
(A don Giuvanne) E accussì che state a fa' llà 'mpalato?
Me ne cacce?. . .
(Nel portavoce) Non sento! Qui in portineria si parla... (Si rivolge a Biasiello) Vi prego un po' di silenzio... Ma questa non è la maniera...
(Con rimprovero) Biasiè!...
Ma ched'è! Manco parlà se pò?... Sto o no 'int''a casa mia?..
(Con risentimento) Allora perchè mettete quì i portavoci?
Ce l'avite 'a dicere 'o patrone 'e casa.
Biasiè, tu nun tiene nient''a fa'?
Vurria pittà nu quadretto; ma cca ce sta poca luce.. Aggio fatto na penzata...
Sarrà certo na penzata d''e ssoie...
(A don Giuvanne) Aspè.. ca te voglio fa' 'o ritratto...
A me?.. Tu? E si bbuono?
Pecchè, nun me faie capace?
Nun dicevo chesto...
(Al signore che aspetta per poter parlare al portavoce) Scusate, signò. Biasiè, 'o signore ha dda parlà. Statte nu poco zitto...
(A don Giuvanne) Vaco a piglià 'o cassettino d''e culure e 'o cavalletto e vengo subeto. (Esce a prendere l'occorrente per dipingere).
(Al signore) È nu diavolo, chillo guaglione..
(Nel portavoce) Perdonatemi; ma non è colpa mia se non ho udito... Dite?.. Ah! Ho capito.. Sarà per un'altra volta.. Posso venire questa sera?.. Grazie!.. Sì, sì, verrò subito... (Rimette il fischietto al portavoce).
(Al signore) Signò, scusate... Chillo guaglione tene argiento vivo...
È abbastanza malcreato.
Ve cerco scusa...
Lo mandi alla scuola. Imparerà ad essere un pò più educato.
(Ritornando) Mammà, ma pecchè pierdo 'o tiempo a parlà cu chisto?
(Minaccioso) Insolente!.. Tu sai con chi parli? Ridicolo!
(Afferrando una sedia) Ve perdono 'a parola, sulo pecchè state 'int''a casa mia..... si no...
Se no?..
Ve l'avarria fatto annuzzà 'n ganna... (Don Giuvanne lo trattiene) Mmece 'e fa' 'o giuvinotto, 'o checco, vedite 'e metterve 'ngrazia c''o Pateterno... Nun 'o vedite ca state cchiù 'a llà, che 'a cca?
Me la pagherai!.. Insolente!.. Scostumato!.
Biasiello! Biasiello!...
(Al signore) Tu vuò nu cunziglio d'amico?... Si me truove p''a via, avota strata....
(Al signore) Sentite a me, avutate strata... Va 'a penna a fa' vulà 'e pprete...
(Il signore esce minacciando) Ci vedremo.
(Gli grida dietro) Quanno vuò tu!.. marchese 'e stu..... stivale.
Tu ce ne farraie caccià d''o patrone 'e casa...
(Alla figlia) Lass''o fa'!.. Chillo ce porta tutte chille solde cu ll'arta soia.. È ghiusto... Mo fa pure 'o rre cumanna scoppole..
Ma comme, io aveva vedè a mammema ca cercava scusa a chillo viecchio pittato?
Si' stato tu! Si' stato tu!
Doppo ca isso m'ha sfruculiato..
(Con calma) Ma tu, nun ragione...
Tu nun capisce 'o riesto 'e niente, e statte zitto!...
(Sempre pauroso) È comme dice tu!... Sissignore, àve ragione Biasiello...
(Alla nonna) 'O vedite c'aggio ragione? (Dispone il cavalletto, vi appoggia una tela e prepara la tavolozza con i colori) E po', a me, me secca 'e vedè a mamma mia suttumetterse. 'A mamma 'e n'artista ha dda essere superba, orgogliosa.. tanto pe nu poco 'e rispietto a ll'arte! (La madre lo bacia con affetto).
Tu 'o 'mpare malamente!
tutt''o pate!.. Tutt''o pate!
(Rimane pensoso) Patemo?... Tu me dicive ch'era tanto bbuono...
Tanto buono!... Sì, è overo.
E murette luntano. In America, è ovè?
Sì...
(Alla madre) Ah, no!.. Nun te voglio vedè chiagnere.. Songo nu 'nfame.. (Si asciuga le lagrime).
(Commosso) Me facite chiagnere pure a me.
Zitto!.. Cuccutrillo!...
Guè, ma ce l'ave proprio cu me!... Mo me ne vach'io...
Te ne vaie? E 'o ritratto?...
I' m'aggia abbuscà 'a iurnata...
Ecco cca!.. (Lo fa sedere) 'Inta n'ora, te prumetto 'e farte 'o capo ritratto!
Vedimmo che sape fa' 'o pittore! (Biasiello si mette all'opera).
Mo esco nu mumento pe vedè d'asiggere chelle poche lire d''a signora 'e de Mari... 'Int''a casa nun ce sta 'a croce d''o centesemo...
Pecchè, nun 'e cirche a ffiglieto? Tanta fummo...
Nonò, venarrà, venarrà, stu iuorno.
Fosse vocca d'angelo 'a toia!
Chi 'o ssa se 'o vedo stu iuorno...
No',.... tu aie da campà cient'anne.... (Si alza e l'accarezza).
Va, ca si' nu ruffianiello!... (L'abbraccia e lo bacia),
'A pace è fatta... Mo so' cchiù cuntento.
Ma io me stanco a sta accussì 'mpalato!
Ancora aggia accumincià...
Vi' che pacienza! (Trezza d'oro entra in camera).
(A don Giuvanne) 'O cumpagno tuio 'a fa tarde?...
Chi sa che lle sarrà succiesso.
(Esce dalla camera avvolta in uno scialletto) Mo torno. Mammà, si 'a piccerella se sceta datele 'o bibberò...
Pe chesto ce penzarrà 'on Giuvanne...
Io?.. E sulo 'a nutriccia aggia fa'! (Trezza d'oro esce. A donna Carmela) 'A piccerella sta malata? Che tene?...
E 'e che manera! Trezza d'oro, nun 'o ssape.. Se penza ca è na cosa 'e niente...
'O miedeco l'ha vista?..
'O miedeco, ca ieva ncoppa d''a maestrina, so' cinche iuorne ca nun se fa vedè... E fuie isso ca me dicette c''a piccerella se ne puteva i' da nu mumento a n' ato.
E chesto, a mammà, ce s'aveva di'..
Sicuro!.. È ghiusto!..
Si nun ato farcelo capì a poco 'a vota... (A don Giuvanne) Statte fermo!... Nun te movere!...
(A Biasiello) E tu, comme iesce accussì stracciato, senza cappiello?..
L'aghe pecchè ce stanne?.. P''o cappiello nce arrangiammo...
Dice tu: ce sta mammema ca ce penza!...
No.. Si venno a' Promotrice te faccio vedè che bello «Bursalino» ca m'accatto. (A don Giuvanne) Te vuò sta cuieto?.. Tu tiene 'arteteca!
Guagliò, io me stanco!.. Fa' ampressa!...
(Con un paniere di verdura) Bongiorno, 'onna Carmè!..
Nannì... si tu?...
Chiammateme ciuccia, 'nvece 'e Nannina! Pe na miseria vonno tenè 'a serva c'ha dda fa' pure 'a cammarera... I' scopo, io faccio 'a casa comme a nu specchio, i' faccio 'a spesa, servo a tavola e accumpagno pure 'a signurina a' passiata... E po' me s'ammenaccia ora e mumento, 'e cacciarme sott''o colpo.
Nannì, nun ve lagnate...
Già, vuie parlate bello, pecchè nun sapite che schiattamiento 'n cuorpo! 'A
signurina se crede 'avè che fa' sempe cu 'e sculare... Ma nu bellu iuorno 'a nchianto, e me ne vaco.. È na schifezza!!... (Va al portavoce e vi soffia dentro con dispetto) Guardate cca, me fa aspettà c''o pisemo che porto...
Si nun sbaglio, vuie 'a cesta l'avite pusata 'n terra!
'On Giuvà, vuie che facite? 'o sunatore?... E penzate a sunà... si sapite sunà!...
Firme 'sta ricevuta!.. Ma comme? t'aie 'a 'ntricà sempe d'affare d''a gente? Abbada 'e guaie tuoie!...
(Impaziente) Uffà!!...
Nannì, avite tuorto!... Nun ve lagnate d''a patrona vosta. 'A maestrina è na bbona figlia, ca se fatica 'a vita soia.
Diece lire 'o mese e nu muorzo 'e magnà... Miseria bella nun m'abbandunà!... (S'ode il fischio del portavoce) Signurì, acalate 'o panaro, o aggia saglì?... (A donna Carmela) Che v'aggio ditto?.. Pozzo saglì cu tutta 'sta robba?...
Nu poco a' vota s'arriva 'mparaviso!
Si na femmena ce trase, chella aggia esser'io...
Cu tutte 'e panne, Nannì?...
E pure cu 'e scarpe, si attocca! (Prende il paniere e fa per uscire) Bona iurnata, 'onna Carmè!... (Ritorna) E .. 'a piccerella, comme sta?...
Sempe 'o stesso!.. Salutateme 'a signurina, e ringraziatammella d''o penziero c'ha tenuto.
Era essa c''o vuleva sapè...
Io l'aveva capito!
Ve saluto! (Esce)
(A Biasiello) Vi' che lengua!.. E na limma.
Fa 'a serva...
Se dice ca tutte 'e femmene 'e servizie so' smaledette 'a S. Pietro...
E 'o pecchè 'o sapite?...
Chesto no. Accussì dice 'a gente.
'A saccio io 'a ragione...
E sarrìa?
S. Pietro, primma d'essere chillo santo ca è, faceva 'ammore cu na serva...
Comme, vuleva bene a na serva?...
Propio! Ma nu iuorno, chesta 'o tradette cu nu centurione, nu surdato rumano, a 'o quale, S. Pietro, lle tagliaie na recchia quanno iette a arrestà Gesù Cristo 'int'a ll'uorto.
Scummunicato!... Statte zitto!... Chesto è peccato!...
Mo capisco!... L'avetta ricanoscere e se vennecaie.
Nun sulo chesto: ma quanno avette 'e cchiave d''o Paraviso, ne cacciaie tutt''e sserve. Ecco pecchè se dice ca 'e femmene 'e servizio so' smaledette 'a S. Pietro...
Vi' che vò di' leggere 'e libbre!...
Bella cosa! S'addeventa turco.....
Pecchè, vuie nun 'o ccredite 'o fatto 'e S. Pietro?...
Una avarrìa essere nu scemo comm'a vuie, pe credere a sti pallune...
(Entra e si toglie lo scialletto e dice alla madre) Niente!...
Niente?... E comme?...
M'ha ditto 'e turnà 'int''a semmana...
Pe na miseria!... Nun te disperà...
Si me dispero è pecchè nun ce sta nu sordo 'int''a casa.. E si a' piccerella le serve quacche cosa?...
Sperammo ca no.
Ha chiagniuto?...
No, mammà. Nemmeno nu strillo...
Mo veco 'e me fa' dà quaccosa 'e sorde d''a mercante...
L'avimmo 'a dà paricchio.
Vaco a vedè 'a criatura...
Povera mammà!.. (A don Giuvanne) Statte cuieto!.. N'ato mumento e aggio fernuto...
Ah, figlia!... Figlia mia!...
(S'alza di scatto) Ch'è succiesso?... (Fa per entrare in camera, ma si incontra con la madre pallida ed agitata).
(Ha uno scoppio violento di pianto) Morta!.. Morta!...
(Portandosi le mani alla testa in alto di disperazione) Figlia mia!.. E comme è morta?. Accussì? Senza nu lamiento?... Figlia mia bella!!....
(Si precipita nella camera e ne riesce subito, esultando) No, mammà, no! È viva. È viva!...
Viva?...
Sì!... Sì!... Quann'io so' trasuto ha apierto ll'uocchie...
(Conclusa, fa per entrare nella camera) Tu nun me 'nganne?.. È 'a verità?...
Ma sì!... T''o ghiuro!... (Trezza d'oro entra nella camera).
(Dondolando la testa) Chi sa, qua' iuorno, ce resta sotto a una 'e sti mosse!.. 'O miedeco m''o dicette..
Sperammo 'e no!
(Con gioia entra) È viva!.. È viva! (Alla madre) Comme me sbatte 'o core! Mammà, valle a dà n'uocchio.. Nun me fido d''a vedè accussì sbattuta...
(S'alza a stenti) Ah, gamma benedetta!.... Me s'è addurmuta... (Entra in camera zoppicando).
Lassammo sta... Sarrà pe n'ata vota... (Toglie ogni cosa e lo depone in un angolo.)
E Alessio nun se vede. Che lle sarrà succieso?...
E tu, nun vaie a' scola?...
(Con imbarazzo) Nun teng''o cappiello... (A don Giuvanne) Me prieste 'o tuio?...
E io?...
(Ha un'idea. Va alla rastrelliera delle lettere e prende un giornale) Ecco ccà! A tutto ce sta 'o rimmedio, sulo a' morte no. (Piega il giornale a forma di cappello, come quello che usono i pittori da camera).
E bravo!... Pitta pittò!...
Nun è cappiello pure chisto? Me pigliarranno pe nu pittore 'e stanze, e che fa?... Sempe pittore songo...
Addò vaie?..
Vac''a scola e torno subeto (Esce di tutta corsa).
È nu buono figlio...
Peccato ca tene 'e mmane pesante...
E vuie, 'on Giuvà, nun me sapite cunziglià nu mezzo pe fa' denaro?...
Sora mia, si 'o sapesse, nun starrìa cca...
Nun pozzo fa' manco nu pigno... Nun tengo manco ll'uocchie pe chiagnere... E si me capita na disgrazia? E si aggia chiammà 'o miedeco?
E chi ve dà tuorto? Ma, 'e denare mancano proprio quanno uno 'e va truvanno... (Appare sotto la porta Aniello).
(Col sacco dei capelli) 'A maestrina sta ncoppa?...
Putite saglì. (Pausa) Pecchè me guardate, aniello?...
Guardavo 'e capille vuoste. Pareno d'oro...
Ve fanno gulìo?... No pe niente, 'o vicinato, 'a chiamma Trezza d'oro.
V''e vulite accattà?... Mo me truvate 'e genio.
Pazziate?... Pazziate pe cient'anne... Ce vonno e miliune, ce vonno.
Quanto m''e pavate?.. Sentimmo.
Nu tesoro!...
Aniè, nun mme tentate. Ca i' so' capace 'e m''e vennere overamente.
Vuie pazziate!...
Vulimmo fa' 'st'affare?...
I' so' sicuro ca nun m''e darrisseve manco pe tutto ll'oro d''o Munno... Ve saluto! (Esce e sale dalla maestrina).
Trezza d'oro!... Trezza d'oro!... Viene, c''a criatura se sbatte... (Trezza d'oro si precipita nella camera).
Nun v'allarmate... Nun v'allarmate!... (Resta a guardare sulla soglia. Rientra Trezza d'oro sconvolta, pallida) 'A piccerella?...
Na mossa!... Madonna e che pena!... Me more!... Nu miedeco!... 'On Giuvà, currite vuie... (Cade su d'una sedia) Figlia, figlia mia!...
(Resta immoto, tenendo in mano un cappello a cencio, sotto la porta) Mammà!...
É Dio ca te manna!... Curre o' spitale 'a Pace... Nu miedeco!.. subeto!...
Corro!... 'O primmo ca trovo, 'afferro e 'o porto cca!...
Curre!... Fa priesto!... (Biasiello esce).
Mammà, calmateve, sarrà una d''e solete mosse. Nun ve spaventate...
Che paura!... Madonna!... Madonna!...
(Vedendo il compratore di capelli che scende lo chiama) Aniè!... Aniè!...
(Sulla soglia) M'avite chiammato?...
Si... Trasite... (A don Giuvanne) 'On Giuvà... iate a vedè 'a piccerella... Mammà è vecchia... Io mo vengo... (D. Giuvanne esce).
Tenite 'a piccerella malata?...
I' campo 'e palpete e paure...
A che v'aggia servì?...
(Risoluta) Ve voglio vennere 'e trezze... Pigliatevelle...
Dicite overo?... Vuie pazziate!...
(Sciogliendosi le treccie) Facite ampressa... Tagliate!...
(Cava dalla saccoccia le forbici) Me manca 'o curaggio...
Ch'ommo site?.. Ve site pentito?
Io?... 'A parola è una...
(Agitata) Tagliate! Facite ampresso!...
Ve dò diece lire?...
E quanno tagliate?
(Le taglia le due treccie) È fatto!... Chesto so' 'e diece lire. (Trezza d'oro si copre il capo col fazzoletto di seta che ha alla gola. Si asciuga una lagrima e cade sulla sedia. Aniello la guarda ad esce, facendo una scrollatina di spalle. Trezza d'oro fa per entrare nella camera, ma s'incontra con don Giuvanne) 'A piccerella?...
Calmateve... Dorme ca pare n'angelo...
aggio fatto 'e sorde p''o miedeco...
Brava!.. E comme avito fatto?...
Po' v''o dico!...
(Rosso, affannato entra in portineria) Sta venenno! Mo vene!...
Addò stà?...
So' venuto 'e tutta corsa pe t'avvisà... E 'a piccerella?
Sta meglio!...
Respiro!.. 'E' 'a vedè che bell'ommo, e che bella maniera ca tene. Appena ll'aggio ditto 'e che se trattava, ha pigliato 'o cappiello è m'ha ditto: Va tu, ca io mo vengo. (Va alla porta) Sta venenno!...
(Dà il cappello ed il bastone a Biasiello). Dov'è la bambina?
(Lo fissa lungamente) Sta cca... (Indica la camera).
È rinvenuta...
Che cosa soffre?...
(Interrompendo) Vedite Duttò... Cca se tratta... (Biasiello lo tira per la giacca) Tu che vuò?
(Sottovoce) Nun te fa' canoscere...
Soffre 'e cunvulsione... Fa paura, se sbatte tutta... Pare che allora allora me mora!
Non vi spaventate... Noi la guariremo.
Vulesse 'o cielo!...
La bambina è di là?... (Indica la camera da letto).
Si.. Ve faccio strada... (Entra nella camera, il medico la segue).
'E' visto, comm'è educato chillo signore?.. Appena è trasuto s'è levato 'o cappiello, mentre tu trase comme a nu ciuccio...
Che vuò dicere?... Cu vuie ce stà 'a cunfidenza...
Ma chi t''a dà 'sta cunfidenza?...
(Vedendo il cappello a cencio) T''o si fatto a' scola?... (Fa il gesto di rubare).
Pe chi m''è pigliato?... Dillo n'ata vota!.. (Con serietà) Quanno piglio e mm'arrubbavo... N'aggio truvato uno ca me ieva buono, e me l'aggio miso...
Aggio capito... Nun te l''è arrubbato, ma te l''e' pigliato... Si nun è zuppa è pane 'nfuso...
(Vedendo venire la madre e il medico) Zitto! Vengono 'a chesta parte.. Eppure chillo signore è tale e quale...
(Curioso) A chi?...
Nun t''o voglio di'... Schiatta!!...
Me l'assicurate Duttò?...
Buona donna, noi medici, possiamo combattere un male, ma, non possiamo mai assicurarne la guarigione. La natura può più d'ogni altra cosa.
Cioè... Dio!...
(Con un sorriso) Propio... Dio può far tutto...
Allora ce sta 'o pericolo?..
No; ma ci vorrà del tempo...
Lassate fa' a Dio... Chillo sape chello ca fa!
Ha parlato 'o filosofo!... (Paolo lo guarda e gli sorride) Che ne capite vuie?... E vò sempe parlà!...
(A Trezza d'oro) Ha dello spirito questo ragazzo... È vostro figlio?...
Si, m'è figlio.
<
(A Biasiello) E ti chiami?
Biasiello!
Operaio?...
Mammà nun ha voluto farme 'mparà nu mestiere... Studio 'a pittura...
Bravo! Sei un artista?... Vai all'Istituto di Belle Arti?...
Si. E chist'anno, aggio pure esposto nu quadro...
Ma bravo!... (A Trezza d'oro) Vi raccomando di fare spedire la ricetta..,
Biasiè, lasciace nu poco. Aggia parlà c''o Duttore... Te chiamm'io.
(A don Giuvanne) Avanti!... Marscè!...
Pur'io?..
Pe nu mumento.
È giusto! (Prende la chitarra e dice a Biasiello) Allora vengo cu tte?
Jammo a fernì 'o ritratto... (Prende dall'angolo il cavalletto e la cassetta dei colori, e la tela).
Ma quanno sarrà fernuto, m''o daie?
Se capisce!... Viene!... (Lo spinge nella camera da letto).
(A Biasiello) Zitto, zitto!... T'arraccumanno..
Duttò, permettete!... Quando nun tenite che fa'... ve faccio pure a vuie 'o capo ritratto. Ve dispiace?...
Sì, volentiere. (Biasiello e l'altro escono).
(Lo fissa in volto) Guardateme!...
Perchè vi debbo guardare?
Guardateme! (Gli si avvicina)
(Impallidisce, trema ed esclama) Trezza d'oro!!.. Trezza d'oro!!... Trezza d'oro!!.. (Cade tra le braccia di Trezza d'oro. Lungo silenzio).
(Poi con un gesto rapido lo allontana) No!... No!... Polo, figliemo sta llà...
E che mmale ce sta?..
Po venì... Biasiello nun sape niente. Sa ca 'o padre è muorto...
Biasiello m'è figlio? Ma io so' libero...
Mo vulennolo, nun 'o putarrìa cchiù...
Pecchè?... Chi t''o proibisce?... Ah!... Cchella piccerella?...
No, nun penzà a male... Chella piccerella l'avette cu maritemo...
Maritata?...
Si; ma mo, so' vedova...
(Con gioia) Allora si' libera?
E tu, t''ha spusarrisse 'a vedova 'e nu galeoto?... Diventarrisse 'o pato 'e chella piccerella?...
(Resta pensieroso) Ma Biasiello m'è figlio!...
T'è figlio... Ma quanno l'avarrie ditto: «Saie.. i' te so' pate» l'avarraie ditto pure chello ch'è stata 'a mamma... No!. Paolo, no!. Tu nun 'o può vulè stu sacrificio... Tu nun mm''e' a dà stu scuorno, nnanze a figliemo...
E tu, può rinunzià a non vedermi mai più?...
L'ammore?... L'ammore è muorto. Nun esiste cchiù... Tu, mo' nun spusarrisse Trezza d'oro, no!... Ma, spusarrisse sulo 'a mamma 'e Biasiello.
Non è vero, no!...
No, nun di' buscìa...
Perdonami!... Perdonami!...
Te perdunaie da chillo iuorno ca nascette Biasiello...
(L'abbraccia e la bacia in fronte) Oh! se tutte le donne ti somigliassero... Si' 'n angelo!...
'E' sufferto?
Molto... (La guarda con gioia) Oh! quei giorni!.. Tutto passa!.. (Fa per togliere il fazzoletto dalla testa) Fammi vedere i tuoi capelli d'oro.. Ti ricordi... Quanno te mettette 'o nomme 'e Trezza d'oro...
E me remanette. E mo tutte mme chiammeno accussì.
(Insiste) Famme vedè le tue belle trecce d'oro...
(Con spavento) No!.. No!.. Lassa sta!.. Nun boglio!..
Perchè?..
(Con dolore fa cadere il fazzoletto) Guarda!
Ch'è fatto? Pecchè?...
'A piccerella mureva... e io nun teneva comme pavà 'o miedeco...
Tu si 'n'angelo! 'N'angelo! (Si abbracciano. Trezza d'oro abbandona il suo capo il suo capo sulla spalla di Paolo. Dalla camera da letto giunge la Ninna Nanna, cantata dalla vecchia).
— Stu piccerillo è nato a ll'ora bona:
ora ca 'n cielo la messa se sona...
— Stu piccerillo è nato a ll'ora santa:
ora ca 'n cielo la messa se canta!
(Durante la cantilena, la tela scende lentamente).
(Durante la cantilenal, la tela scende lentamente).
Napoli, 20-25 agosto 1893.