Teatro - Salvatore Di Giacomo/'O mese mariano
NOTICE: Mixed italian-neapolitan. In general, italics are for theatrical indications and are given in italian and dialogs are mostly in neapolitan.
'O MESE MARIANO
---
UN ATTO
PERSONAGGI
---
| Carmela Battimelli — (30 anni) | |||||
| Maddalena, sua figlia — (6 anni) | |||||
| Suora Cristina — (25 anni) | |||||
| Don Gaetano Laurito, economo nell'Albergo dei Poveri — (65 anni) | |||||
| |||||
| Don Gennaro, ricoverato nell' Albergo dei Poveri — (70 anni) | |||||
| Rafele, ricoverato nell' Albergo dei Poveri — (60 anni) | |||||
| Una suora della Carità, che non parla. | |||||
| Bambini dell' Asilo infantile dell' Albergo dei Poveri |
La scena accade nella stanza dell'economo, al terzo piano dell' Albergo dei Poveri.
Maggio — A' nostri giorni
SCENA PRIMA
La stanza dell’«Economato» nell’Albergo dei Poveri. A destra dello spettatore la scrivania dell’economo don Gaetano, sparsa di carte. Dirimpetto, a sinistra dello spettatore, la scrivania dell’impiegato Mazzia. In fondo due altre scrivanie, una a destra una a sinistra dell’entrata ad arco, che lascia vedere un largo pianerottolo e parte d’una tesa di scale che vanno in su. I ritratti del Re e della Regina, due grandi oleografie, stanno al muro, sulle scrivanie, di fronte allo spettatore: sotto quello del Re è un calendario da sfogliare. Accanto alla scrivania dell’economo sono il cestino per le carte inutili e una sputacchiera. Una porta a sinistra dello spettatore, tra le scrivanie di Mazzia e di Ferrentino. Una finestra, dietro la scrivania dell’economo.
Al levarsi della tela Mazzia scrive, sotto dettato, alla sua scrivania. Ferrentino e Varriale sono presso le oro tavole. Varriale ordina cassette in uno stipo che ha a destra. Ferrentino sfoglia un grande registro addossato a un leggìo.
Don Gaetano, Mazzia, Varriale, Ferrentino,
quindi Rafele
Don Gaetano
(passeggiando con le mani sul dosso e dettando a Mazzia)
Mazzia
Mo’!... Nu mumento! (scrive e ripete) Le sopracennate?...
Don Gaetano
«Opere di fabbrica... dalla Signoria Vostra Illustrissima comandate...» (prende tabacco. Quindi a Ferrentino) È turnato Rafele? (s’arresta in mezzo alla stanza).
Ferrentino
Cavalie’, chillo mo è sciso! (seguita a sfogliare il registro).
Mazzia
«Comandate...» (Cava una carta dalla saccoccia e si mette a consultarla).
Don Gaetano
rimettendosi a passeggiare)
«Il capomastro...»
Mazzia
«Il capomastro...» (e dà un’altra occhiata alla carta).
Don Gaetano
Mazzia
Piano!... (dopo un po’) «Con rilevante sollecitudine...»
Don Gaetano
«E in confidenza mi ha detto...»
Rafele
(viene dal fondo, con un cartoccio tra le mani)
Ccà stanno ’e ppizze! (Ferrentino, che lascia il registro, e Varriale, che smette di scrivere, gli si accostano).
Ferrentino
(a don Gaetano)
Cavalie’, onorateci!
Mazzia
(dopo aver dato un altro sguardo alla sua carta)
«E in confidenza mi ha detto...»
Don Gaetano
(a Ferrentino e Varriale)
Vi faccia salute! (Mazzia scrive)}}
Varriale
(dividendo le «pizze» con Ferrentino)
Cavalie’, doie pezzelle aglio e uoglio...
Don Gaetano
Ottima idea! (Mazzia scrive, dando sempre un’occhiata alla sua carta) Dunque? (a Mazzia) Avite fatto? (gli si avvicina).
Mazzia
(nasconde la sua carta in saccoccia. Legge a voce alta)
«Mi è venuto pregando con rilevante sollecitudine, e in confidenza mi ha detto: Vi faccia salute! Ottima idea!» (confuso) E ched’è?... (guarda sullo scritto).
Don Gaetano
(mentre Varriale e Ferrentino mangiano e ridono)
Mo’ dicite pure ched’è?! Volete sapere che cosa è? Adesso ve lo dico io. È ca quanno vene ’o sabbato, figlio mio, vuie ’a capa nun ’a tenite cchiù ncapo!
Mazzia
(mortificato e seccato)
Abbiate pazienza... Che ce vulite fa?... Me so’ nu poco stunato...
Don Gaetano
E nu’ ve stunate! Sia fatto il volere di Dio! (Rafele chiacchiera con Varriale e Ferrentino).
Mazzia
Varriale
(a Rafele)
Duie mieze tuscane ’e nu soldo ll’uno. Lasche. Na scatuletta ’e cerine La Baschiera... Te ricuorde?
Rafele
’A Vaschiera. Va bene.
Mazzia
Varrià!
Varriale
Mo’!... Che buo’?... ’O grattuare? (glielo indica con gli occhi e seguita a mangiare) Sta ccà, sott’a sti ccarte. (a Rafele) Duie mieze tuscane... chille ca so’ asciute mo’...
Mazzia
(a Varriale)
E mm’ ’o vuo’ proiere?... Che te faie male?
Varriale
E dalle! ’O bbide ca tengo ’e mane nzevate ’e pizza? Me vuo’ fa nguacchià ’o protocollo? Sùsete e viene t’ ’o piglie. Nun te puo’ sosere?
Don Gaetano
(a Mazzia, placidamente)
Mo ve piglio io ’o grattuare! (cerca, fra le carte, sulla scrivania di Varriale e trova il «grattoir» Questo è il grattuare. Scassate... accunciate... nu’ spertusate ’a carta!...
Ferrentino
(nettandosi le mani con un pezzo di giornale)
Cavalie’, voi permettete si facimmo scennere n’ata vota a Rafele? (Mazzia si mette a cancellare).
Don Gaetano
N’ata vota? N’ata pezzella?!
Rafele
Nonzignore, cavalie’: io mme so’ scurdato ’o perettiello c’ ’o vino abbascio addo’ guardaporte...
Varriale
E va! Chillo ’o cavaliere nun dice niente. (anche lui stropicciando le mani a un giornale).
Ferrentino
Cavalie’, vulisseve quacche cosa pure vuie? (fa una pallottola del giornale e va a gettarla nel cestino del cavaliere).
Varriale
(a Rafele, che già s'incammina verso la porta)
Aspetta, Rafè!
Don Gaetano
(a Ferrentino)
Comme ve l’avite fatta? C’ ’a muzzarella?
Ferrentino
Aglio e uoglio, cavalie’; so’ più saporose.
Mazzia
(fa un segno a Rafele e lo chiama sottovoce)
Rafè?...
Rafele
(a Mazzia)
Nu mumento! (a Don Getano che medita, indeciso) Cavalie’? Io so’ pronto.
Mazzia
(c. s.)
Rafè?...
Rafele
Mo!
Don Gaetano
Bisogna decidersi... Che ora è?
Varriale
Mo spara. Cavalie’, decidetevi p’ ’a pezzella...
Don Gaetano
(a Rafele)
A te che te pare?
Rafele
E io che ve pozzo di’? (a Mazzia che torna a chiamarlo sottovoce e gli fa dei cenni) Che bulite?... (s’accosta alla sua scrivania).
Mazzia
(sottovoce)
M’ ’e’ jucato ’o viglietto?
Rafele
Mo che scengo ve servo...
Mazzia
(dandogli un pezzetto di carta su cui scrive in fretta)
Miettece pure st’ambo... Tiene mente... Trentasei e sittanta...
Rafele
Mettite ccà... (mette in saccoccia la carta. Quindi, rivolgendosi a Don Gaetano, che medita ancora) Dunque? C’aggia fa?
Don Gaetano
(deciso)
Vuo’ sapé ’a verità?...
Varriale
(a Ferrentino, sottovoce)
Mo siente: nu soldo ’e pane e nu soldo ’aulive!
Don Gaetano
Accatteme... accatteme... (frugando nella saccoccia del panciotto) Nu soldo ’e pane...
Ferrentino
E nu soldo ’aulive...
Don Gaetano
Pecchè? So’ mmalamente?
Ferrentino
’Aulive ’e Gaeta? Voi scherzate? Chelle manteneno il corpo obedientissimo!
Don Gaetano
(a Rafele)
Iammo mo, va...
Ferrentino
(a Rafele)
Siente... (gli parla ancora sottovoce).
Don Gaetano
(a Mazzia)
Mazzì, avite scassato?
Mazzia
(rileggendo)
«E in confidenza mi ha detto...»
Don Gaetano
Beh! (dettando) «Che trovandosi in impellente urgenza di denaro...».
Mazzia
In che?...
(Rafele fa per uscire pel fondo)
SCENA SECONDA
Don Gennaro, dal fondo e detti
Don Gennaro
(veste la divisa dei ricoverati. Ha fra mani un copioso fascio di carte. S’incontra con Rafele che esce)
’A bellezza e ’a giuvinezza d’ ’o si Rafele!
(Rafele esce)
Mazzia
Silenzio!... Cavalie’, avete detto?
Don Gennaro
(gioviale, romoroso)
Don Gaetano
(seccato)
Che c’è? Che c’è?...
Don Gennaro
Cavalie’, cà stanno sti carte (va a deporle sulla scrivania del cavaliere).
Don Gaetano
E che so’?
Don Gennaro
S’hanna firmà. V’ ’e mmanne ’o sigritario. Ha ditto: Porta queste carte al signor economo e dincello ca s’ ’e ttenesse n’atu mese mmano!
Don Gaetano
(secato)
Neh?
Don Gennaro
Sissignore.
Don Gaetano
E bravo! (a poco a poco va sempre più in collera) E tu mo saie c’aie da fa? Mo che scinne l’aie da dicere ’a parte mia: Ha detto così il signor economo: Quanto siete porpetta! Il signor economo sa il suo dovere e nun se pappa ’a mesata venenno a l’ufficio nu iuorno sì e ciento no! ’E’ capito?!...
Don Gennaro
Lui così mi ha detto e io così vi ho preferito.
Mazzia
Cavalie’, vogliamo finì sta lettera?
Don Gaetano
(che si monta sempre più)
E bravo! E bravo!... É spiritoso il signor segretario! (a Mazzia) Mo’, don Euge’! ’O bbedite ca sto facenno ’o spezziale!...
SCENA TERZA
Carmela e Maddalena dal fondo
Carmela veste dimessamente, da popolana. Si conduce per mano la bambina che ha con sè una piccola pupa.
Carmela
(soffermandosi sotto l'arcata)
Nc’è premmesso?...
Don Gaetano
(gridando)
Con tre sessennii! Capite? (agl’impiegati che si sono rimessi al loro lavoro) A settembre è il terzo sessennio ca mme piglio! E poi se ne viene la così detta nuova generazione e ve mpara pure comme avite tené ’a penna mmano! (passeggia, agitato) Il signor segretario sta dint’a na bella camera calda calda, c’ ’o tappeto nterra e ’e ppurtiere nfaccia ’e pporte, e nuie avimmo sta mmiezo ’o flusso e riflusso pecchè al signor soprintendente mo’ ll’è venuto ncapo ’e fa gli accomodi!
Carmela
(scendendo un altro gradino)
Nc’è premmesso?
Don Gaetano
(burbero, distratto)
Avanti!...
Carmela
(impacciata, facendo due passi avanti nella stanza)
Bongiorno ’occellenza...
Don Gaetano
(c. s.)
Bongiorno!... (agl’impiegati) Del resto, sapete come si dice? Piscis a capite fetit! Se il signor soprintendente nun avesse accumminciato a mpezzà ccà dinto i soliti elettori influenti e i figli degli elettori influenti nuie starriamo dint’ ’a pace ’e ll’angiule!... È una vergogna! Ccà stammo mmano agli elettori! (un bidello attraversa il pianerottolo) Chi è passato?
Ferrentino
L’usciere d’ ’o soprintendente.
Don Gaetano
(preoccupato)
Neh?... Vedite ’a cumbinazione!... È capace ca mo va ncoppa e nce ’o dice?
Varriale
Cavalie’, chillo penza iusto a chesto!
Don Gennaro
Signò, nu’ ve pigliate collera. Mo sti ccarte v’ ’e metto a vista. ’E firmate quanno vulite vuie. Chillo ’o sigritario mo se n’è sciso pure...
Don Gaetano
E già! Lui va a fare colezione alla furscè!
Don Gennaro
Don Gaetano
Embè che ce vuo’ fa? In mezzo al vento! Senza pietà! Senza riguardi!... (a Carmela che aspetta) Voi chi siete? Che volete?
Carmela
Bongiorno ’occellenza...
Don Gaetano
(a Mazzia)
Don Eugè?..
Mazzia
(che consultava la «Smorfia», sorpreso)
Dite...
Don Gaetano
St’esposto conservatelo. S’è capito; ogge nun è cosa. Ogge è giornata burrascosa!
Carmela
Signó, nun ve pigliate collera...
Don Gaetano
Ma che vi occorre? Dite!
Carmela
Signore cavaliere, puzzate aunnà quanto ’o ppane e ’o vino nun mme facite fa cchiù grariate! ’A vascio ’o primmo piano m’hanno mannata cchiù ncoppa. Quann’è stato ’o siconno appartamiento m’hanno ditto: ’E’ sbagliato: saglie cchiù ncoppa. E cchesto che cos’è? Io nun me fido cchiù! Oscellenza, io vengo ’a vascio a ll’Arco d’ ’e Cangiane!
Don Gaetano
E che volete, se po’ sapé? Chi siete?
Carmela
Carmela Battimelli, fu Domenico d’Ambrosio... Oscellenza cunfruntate int’ ’e riggistre...
Don Gennaro
(voltandosi, con lo «scovettino» in mano)
Battimelle?! Gue’!... Carmè!... (le si accosta, commosso).
Carmela
(sorpresa e compiaciuta)
Uh, neh, vedite! ’On Gennaro!... Bene mio! E chi s’ ’o puteva crerere!... Vuie state ccà ncoppa!?
Don Gennaro
Carmela
Neh, e chi se vede doppo tanto tiempo!? ’On Gennaro! Ah, over’è ca muntagne e muntagne e pure s’affronteno! (a Maddalena) Matalè, vasa ’a mano a don Gennaro....
Don Gennaro
(accarezzando la bambina)
Chesta è ’a piccerella...
Carmela
Chest’è Matalena. Comme?! Nu v’allicurdate ch’è nata mmano a buie?! Vuie venisteve pure ’o battesemo!
Don Gennaro
E mo quanto tene?
Carmela
Eh! Mo è trasuta int’ ’e cinch’anne... Che? Vì comme passeno ll’anne, ’on Gennà! Mme pare a jere! Ve ricurdate ’a puteca abbascio ’a Loggia ’e Genuva?... (agl’impiegati, traendo a sè una seggiola) Neh, premmettete?... (siede).
Don Gennaro
Carmela
Ah, puveriello! Chillo è muorto, requia schiatta in pace! Murette ’o vierno passato, cu ll’imprurenza...
Don Gennaro
Uh! Don Vicienzo è muorto?! Puveriello!... E donna Viulante? Donna Viulante?... Chella ca faceva ’e sfugliatelle? (la bambina gli toglie di mano lo «scopettino» e spazzola lei la scrivania dell’economo lasciando la pupa nelle mani di Carmela).
Carmela
’A mugliera d’ ’o ndruciere? Eh! Chella ha mmaretata ’a figlia e s’e misa a ddà ’e denare c’ ’o nteresso!
Don Gennaro
E bravo ’onna Viulante!
Carmela
E don Rafele ’o pellettiere? V’ ’o ricurdate? Chillo c’ ’a nepote se nne fuiette e po se mettette a fa ’a sciantò?
Don Gennaro
Se’, se’! Rafele sanguetta?
Carmela
Don Gennaro
Tu overo dice?... Don Rafele?... Chillo nun sape manco leggere!
Carmela
E c’ha spiso neh! E che denare c’ha jettate!
Don Gennaro
E c’ha fatto, è riuscito?...
Carmela
Comme nun è riuscito!
Don Gaetano
(accostandosi, tra benevole e ironico)
Volete due piccole? Nu paro ’e pagnuttine? ’A fiammetta?
Carmela
Uh, Giesù!... (si leva, mortificata) Avite raggione... Aggiate pacienza... (alla ragazza) Matalè, viene a mamma, posa stu scupettino...
Maddalena
Io ’o voglio!
Carmela
Don Gaetano
Don Gennà! Prosit!
Don Gennaro
Cavalie’, scusate...
Don Gaetano
Avite appicciata chesta pippa!
Carmela
Signurì perdunate, aggiate pacienza. Chillo, ’on Gennaro m’ha crisciuta, se po di’: mme canosce ’a piccerella... E io steva proprio speruta d’ ’o vedé!
Don Gaetano
E io sto speruto ’e sapé vuie che vulite!
Carmela
Avite raggione... (si fruga in petto e cava una carta) Liggite ccà.
Don Gaetano
(leggendo)
Carmela
Chisto è figliemo.
Don Gaetano
Be’?
Carmela
’O tengo nchiuso ccà dinto e nun ’o veco ’a nove mise.
Carmela
’O tengo nchiuso ccà dinto e nun ’o veco ’a nove mise.
Don Gaetano
Dio sia lodato!... Be’... Giuseppe Esposito?... (dopo un po’) Ma... Voi come vi chiamate?
Carmela
Io? Carmela Battimelle.
Don Gaetano
E stu Battimelli chi è?
Carmela
Comme, chi è? È maritemo!
Don Gaetano
E stu fatto comme se spieca? Vostro marito si chiama Battimelli e vostro figlio si chiama Esposito?
Carmela
Don Gaetano
Neh, Battimella, Battimè!... (scuote la testa).
Don Gennaro
Carmè! E parla chiaro! ’O cavaliere è ommo ’e munno.
Carmela
(a Don Gennaro, quasi sottovoce)
Mme metto scuorno, ’on Gennà! Dicitecello vuie! (seguita a parlare a bassa voce con lui).
Rafele
(apparendo sotto la porta)
Ccà sta Rafele! (gl’impiegati gli si fanno attorno).
Don Gaetano
(a Carmela)
Nu mumento... (a Rafele) Miette ccà e nun scennere cchiù!... (prende la sua merenda da Rafele e se la porta sulla scrivania. Maddalena si accosta e gli gironza attorno. Rafele si mette a parlare con gl’impiegati).
Carmela
(a Don Gennaro)
No! No!.. Mme metto scuorno!..
Don Gennaro
Carmela
E io che sapevo ca stiveve ccà dinto pure vuie?...
Don Gennaro
(mangiando)
Dunque?... Assettateve, assettateve... Vuie parlate e io faccio nu poco ’e marenna... Favorite... (indica il pane e le ulive).
Carmela
Ve pozza fa salute. Matalè, jesce ccà!
Don Gaetano
Nun fa niente, ’assat’ ’a ì... Te’... (la ragazza mangia).
Carmela
’A dda fa sempe ’a speruta!
Don Gaetano
(mangiando)
Dunque... ditemi na cosa... Voi vorreste vedere vostro figlio?...
Carmela
Sissignore.
Don Gennaro
Rafele
Comme, cavalie’! ’Aulive ’e Gaeta!
Don Gaetano
(a Carmela)
Be’... E io pe dispietto ’e stu scucciatore ampolloso di segretario... voglio fa nu poco a ccapa mia! Nun fa niente: me nce appicceco! Vuie vulite vedé ’o guaglione? E io mo v’ ’o manno a chiammà!
Don Gennaro
Bene!
Don Gaetano
Ma pe regula vosta, n’ata vota ca venite all’Albergo ricordatevi ca ce sta ’o parlatorio abbascio, a pianterreno. È inutile a sagli fino a ccà ncoppa: ve stracquate vuie e ce scumbinate a nuie!... Be’... Mazzì!
Carmela
’O Signore v’accresce ’e salute!
Mazzia
Cavalie’?...
Don Gaetano
’A cartuscella?... (cerca sulla scrivania).
Carmela
Don Gaetano
(ritrovando la carta, a Mazzia)
Tenite ccà... Iate int’ ’e scole e facite venì stu guaglione... (esce Mazzia).
Carmela
’O Signore v’ ’o rrenne!
Maddalena
Oi mà, vene Peppeniello?
Carmela
Mo vene, mo vene... (a Don Gaetano) Ce vo’ tiempo?
Don Gaetano
Figlia mia, l’Albergo è nu paese! (mangia) Rafè, nu bicchiero d’acqua! E fa scorrere! (Rafele esce).
Don Gennaro
Cavalie’, ’a vedite a sta figliola? Chesta ha passate tutte ’e guaie d’ ’a rosa marina!
Carmela
Embè che s’ha dda fa?... Matalè, iesce ccà!
Don Gaetano
Nenné, attenta p’ ’a sputarola! (a Maddalena. E si netta le mani alla tovaglia che cava da un fodero).
Carmela
Addò tene ll’uocchie tene ’e mmane! ’E’ ntiso jesce ccà? Me vuo’ fa sosere?... (la bambina s’avvicina a lei).
Don Gaetano
Ma ’o fatto ’e st’Esposito nun m’ ’avite cuntato... (ripone la tovaglia nel fodero della scrivania).
Carmela
Signurì, mo v’ ’o spieca ’on Gennaro...
Don Gaetano
(a Don Gennaro)
Na cosa ’e juorno ca mo arriveno ’e ccarte ’a ll’Intendenza...
Don Gennaro
Dunque, cavalie’, quanno io steva c’ ’a puteca sott’a ll’arco d’ ’e Cangiane sta Carmela era na criatura..
Carmela
Tenevo otte o nove anne... (a Maddalena) Matalè, iesce ccà! E so’ diece!
Don Gennaro
Carmela
È bona ’a vocca vosta!
Don Gennaro
Nonzignore, chest’è. Io nun songo ommo ’e buscie, e po’, ’o ssapite ca tutte quante n’avimmo dà cunto là ncoppa. (addita il cielo e si soffia il naso).
Don Gaetano
’On Gennà, na cosa ’e juorno.
Don Gennaro
Nun dubbitate. Basta, ’a mmaretaino e lle dettero a nu capo giovene ’e scarparo...
Carmela
Mo’... Aspettate... Primma ’e chesto...
Don Gennaro
Ah, già!... Avevo fatto stu zumpo!... Mo ne levavo ’o mmeglio d’ ’o trascurzo! (torna a soffiarsi il naso) ’A vita è amara, cavalie’, e ’o munno è tristo. Comme v’ ’aggia di’? Sta povera figliola, primm’ ’e se mmaretà c’ ’o scarparo, lle succedette nu fatto malamente, ca nce avettero corpa ddoie cose: ’a morta d’ ’a mamma, pozza sta bbona addò sta, e ’a mbriachizia d’ ’o patre, ca quanno era ’a dummeneca e ll’ati feste ricurdebbele oscellenza nun parlaveve cchiù cu n’ommo, ma una vutata parlaveve cu nu peretto...
Don Gaetano
Eh!... Un vero degenerato ubriacone...
Don Gennaro
’O vero generale d’ ’e mbriacune, mo dicite buono! Basta... Quell’uomo la quale se vulette apprufittà ’e sta guagliona abbunata e senza mamma, e doppo... comm’a ll’urdemo ’alioto l’abbandunaie, era uno ca faticava int’a ll’Arzenale... (a Carmela) Ll’ ’e’ visto cchiù?
Carmela
A chi? E chi esce d’ ’a casa?
Don Gennaro
Ha dda murì cu ’e curtellate ’acciaro!...
Carmela
(a Maddalena)
Matalè, va pazzeia ’a chella parte... (agl’impiegati sottovoce) Neh, chiammateve nu poco a sta criatura...
Varriale
Don Gaetano
Don Gennà, na cosa ’e juorno c’aggia mannà ’e ccarte a ll’Intendenza! (Beve).
Don Gennaro
Nun dubbitate. Basta, comme v’aggia di’?... Stu guaglione ca sta nzerrato cca dinto è figlio ’e sta Carmela e...
Don Gaetano
E dell’operaio dell’Arsenale. Questo l’ho capito perfettamente. Quindi (forbendosi la bocca) Carmela sposa un altro, procrea una bambina, che sarebbe questa Maddalena e... mbè?... E perchè nzerra ’o guaglione ccà dinto? (a Carmela) Nun t’ ’o putive tené?...
Carmela
Comme! Signurì! Nun m’ ’o vuleva tené!... E ve pae a vuie ca na mamma se vo’ levà nu figlio carnale ’a sotto ’o sciato suio? Embè... Pe forza accussì avette fa!... Nun fuie io, signore mio, nun fuie io!...
Don Gaetano
No? (prende tabacco)
Carmela
(accostando la seggiola e voltandosi per vedere dov’è la ragazza, la quale continua a stare presso gl’impiegati)
Matalè, state lloco... Pazzea, bell’ ’e mamma. (a Don Gaetano) Pe ve fa capace a vuie, maritemo Vicienzo... chisto ’e mo...
Don Gaetano
Aggio capito...
Carmela
’A primma cosa ca mme dicette doppo spusate, dice: «Carmè, tu saie si te voglio bene e si songo ommo ca, nun faccio pe dicere, mme fremmo ncopp’ ’a parola mia. Ora, si vulimmo campà cuiete, si nun mme vuo’ fa ogne mumento allicurdà cierte cose ca... tu mme capisce... io e tu ce l’avimmo scurdà pe tutta ’a vita nosta, embè, io te metto na cundizione...» — Vicie’, e ched’è? Parla! — Dice: «Sa che c’è de nuovo? Stu guaglione ca nun è dd’o mio, io nun ’o voglio vedè int’ ’a casa mia. O nn’ ’o manne, o mme faie saglì ’o sango a ll’uocchie ogne bota c’ ’o veco!»
Don Gennaro
(sorpreso e spiaciuto)
Neh?... Oh!... Chesto po’ nu’ sta bene, ’obbì!
Carmela
’On Gennaro mio, quanno sentette sta prupusizione, mme crerite, mm’avesse vuluto truvà se’ parme sotta terra! — Neh, Vicie’ tu che dice? Nn’ ’o manno? Ne manno a figliemo? — «Figlieto? Ovè?... Figlieto!? Embè, comme te pare, mme vuo’ fa fa afforze ’a parte d’ ’o scemo?» — No, Vicie’, bell’ ’e Carmela: ma io addò nn’ ’o manno a nu piccerillo ’e sirece mise? — «Ncopp’a chesto» — dicette Vicienzo — «ce penzo sempe io! Tu saie ’a cummara ’e sorema Nunziata? Embè, chella ’o Signore nun ’a beneretta e nun l’ha fatto fa figlie. È na femmena revulata e affezziunata: ’o guaglione ’o damme a essa. Essa s’ ’o tene, s’ ’o cresce, e tu può sta sicura comme si stesse int’ ’a casa ’e nu signore». — E siente! E penzece buono! E che fastidio te po’ ddà n’anema nnucente? — Niente! Niente! Accussì s’era miso ncapo e accussì vulette fa!... (resta silenziosa per un poco, e medita, commossa). Ah! Ca si mme ll’avesse pututo mmagginà nun mm’ ’o spusavo! Mme rummanevo accussì, risgrazziata cumm’era!... Ce ne stanno tante!...
Don Gennaro
(dopo un silenzio)
Embè, te dico a te, ca stu fatto overamente mme dispiace! (a Don Gaetano) Cavalie’, vuie sentite?
Don Gaetano
(scotendo la testa)
Eh!... Povera umanità!
Carmela
(seguitando interrottamente a narrare)
Basta... Se cumbinaie c’ ’a dummeneca appriesso, ’a cummara ’e Nunziata... s’ ’o veneva a piglià... (pausa) ’O sabbato a sera... Vicienzo era rummaso a faticà fino a tarde e io stevo sola e nun m’era fidata ’assaggià manco nu surzo d’acqua... (pausa) ’O guaglione... durmeva int’ ’a cònnela... (commossa, trattiene le lagrime) Io mm’accustaie... mm’ ’o vasaie chiano chiano, pe nun ’o scetà... Lle pigliaie chella manella ca teneva ’a fora ’a cònnela... e ’a vasaie... (singhiozza) E lle dicette: Peppenié!... Peppeniello mio... Aggiu pacienza!.. Perdoname!...
(S'asciuga gli occhi al grembiale).
Don Gaetano
(sospirando profondamente)
Ah! Signó!... E mo comme sta ccà dinto?
Carmela
Pecchè sta cummara ’e Nunziata, salute a buie ’o Signore s’ ’a chiammaie... (alla bambina, che torna) Matalè, statte ccà mo’.
Don Gaetano
Be’?...
Carmela
Don Gaetano
E ce vuleva ’o ngigniere? Venive tu cu na dumanda e pur’o stesso era! Già, questo è nu paese addo’ tutto se fa pe raccumannazione! E pe causa ’e sti raccumannazione ce vedimmo a tanta ntòntere nnanze!
SCENA QUARTA
Mazzia, Suora Cristina, Rafele e Detti
Mazzia compare nel primo sotto la porta e parla concitato, a bassa voce, con Ferrentino e Varriale. Appare subito la Suora e rimane sotto la porta con le braccia conserte, muta. Ferrentino le parla sottovoce. Ella accenna di sì, col capo, con aria triste. Varriale fa segni a Don Gaetano.
Carmela
Io mo, stu fatto ca tengo ’o guaglione ccà dinto, signore mio, nun ll’aggio vuluto cunfirà a nisciuno. Neh, ch’avarriano ditto? «Ha nzerrato ’o figlio int’ ’o Serraglio!» Essì! Mme mettevo mmocca ’a ggente ’e chillo bello quartiere!
Varriale
(facendo segni a Don Gaetano)
Cavalie’?...
Don Gaetano
Ma che Serraglio?... (a Varriale) Mo!.. (a Carmela) ’O chiammate ancora Serraglio? Ma tu ’o ssaie ca ccà stanno ’e figlie d’ ’e primme galantuommene!... (a Varriale) Eccomi qua... (s’alza e si avvia al fondo).
Carmela
(a Don Gennaro)
’O signore dice buono, ma sempe Serraglio è. Vuie comme ve ce truvate?
Don Gennaro
Mo te dico io: ’e primme mise, essenno ca mme mettetteno abbascio ’a purtinaria, l’ummeretà mme facette venì n’ata vota ’e dulure particulare...
Carmela
Neh?... E mo addò v’hanno miso?
Don Gennaro
Mo stongo ’a sigritaria: a stu stesso terzo piano.
Carmela
Ah, menu male, risciatate.
Don Gennaro
Risciato? Io, ’a matina, surtanto si mm’affaccio ’a fenesta e mm’appiccio na pippa, me recreio. Tèh! Viene vide che se vede ’a ccà ncoppa!
(La conduce alla finestra: la ragazza li segue e si affaccia anch'ella).Carmela
(affacciandosi)
E che bela cosa, neh! E che bell’aria!... Matalè, nun t’appennere!...
(Restano alla finestra, parlando)
Don Gaetano
(venendo avanti con la Suora e con gl’impiegati, commosso, tremante; alla Suora)
Oh Dio! Dio! Che m’avete detto! ( scombussolato, guarda Carmela che seguita a rimanere alla finestra, guarda la Suora, guarda gl’impiegati) Mazzì?... Ferrentino? Avite ntiso?... ’O piccerillo... ’e sta femmena... é muorto!?...
La Suora
(scuotendo la testa, sottovoce)
La Suora
(scuotendo la testa, sottovoce)
Sì, è finito... iersera...
Don Gaetano
E comme? Comme?
La Suora
Di meningite, poverino...
Don Gaetano
(sempre più commosso, agl’impiegati, a mani giunte)
Capite?... (alla Suora) Che ve pare, neh suo’?La Suora
(lentamente, a bassa voce)
Volontà di Dio...
Carmela
(alla finestra, a Don Gennaro)
E chelli ccase che so’, llà bascio? Ah... Aspettate... mme pareno ’e Ponterusse...
Don Gennaro
Qua Ponterusse? Chillo è ’o Maciello! E tiene mente ’a ccà... a mmano deritta... ’A vide chella cupola?... (seguitano a parlare alla finestra).
Don Gaetano
(sempre più commosso, agl'impiegati, a mani giunte)
Comme se fa?... E chi nce ’o dice?!...
Ferrentino
(levando le spalle)
Io no, sapete!
(Gli altri fanno lo stesso atto di protesta)
Don Gaetano
E come si fa?... Suora?...
La Suora
(dolce)
Ebbene, mi lasci fare...
Don Gaetano
(sempre più commosso, agl'impiegati, a mani giunte)
Sì sì, faccia lei... lei ha più maniera... ha più abitudine. Zitte! (vedendo che Carmela torna dalla finestra) Ah, povera femmena! (si trae adietro con gli impiegati).
Carmela
(a Don Gennaro)
E chest’è ’a vita, ’on Gennaro mio! Io po dico accussì: È meglio ca nce ’o ppigliammo c’ ’a bbona ’e Dio, ca quanno manco te crire ’o Signore piglie e te manna na pruvirenza!
Don Gennaro
E chesto pure è overo.
Carmela
Vedite: maritemo se po dì ca nun è stato maie a spasso manco meza jurnata. Embè, cierti vvote, pe causa d’ ’e necessità d’ ’a casa, ve dico a buie ca se fanne ’e capille janche...
Don Gennaro
E chi te dà tuorto, neh, Carmè?
Carmela
Neh, ’on Gennà, e quanno maie ’o llardiciello è ghiuto a 36 e ’a nzogna mpane a ddoie lire? Che?... Addo’ s’è visto maie?...
Don Gennaro
Overo! Ebbreca trista!...
La Suora
(avvicinandosi a Carmela)
Buona donna...
Carmela
(voltandosi e riconoscendola)
Uh!... Suora ma’!... Comme state?... Comme ve site fatta bella! Matalè, vasa ’a mano ’a signurina... (Maddalena vuol baciare la mano alla Suora, che la ritira, e carezza la ragazza) Essì! Stammatina nce simmo tutte!
La Suora
(a Carmela)
Senta... mi dica...
Carmela
Ma ched’è? M’avite scanusciuta, neh, suora Cristì? Io so’ Carmela... Carmela Battimelle... Ve ricurdate?...
La Suora
Carmela
Suora ma’, viata a bbuie ca facite ’a vita d’ ’a santa!...
La Suora
È un pezzo che non la vedevo...
Carmela
(sospirando)
Eh... già...
La Suora
Mi dica... (Maddalena s’accosta alla scrivania dell’economo).
Carmela
Dicite... A me quanto mme piace ’e ve sentí parlà! Si sapisseve comme ve dice bello stu trascurzo francese ca tenite!.. Dicite...
Don Gennaro
Uh! Giesù!... (dal gruppo degl’impiegati e dell’economo, che gli hanno parlato sottovoce).
Carmela
(voltandosi)
Don Gennaro
(imbarazzato, tremante, vuol nascondere il suo turbamento)
No... niente... Chella ’a piccerella... steva abbuccanno ’o calamaro...
Carmela
Matalè, iesce ccà! (va alla scrivania e afferra per mano la bambina).
Matalena
(piganucolando)
Nun è overo! Io nun stevo facenno niente!
Carmela
(alla suora)
’O bbedite che se passa cu ’e figlie? (a Matalena) Statte ccà... Pazzea c’ ’a pupata... N’ata vota nun te porto cchiù!
La Suora
Dunque? Com’è che la vedo qui?
Carmela
Chi, io? So benuta a truvà a Peppeniello... V’ ’o ricurdate?... Chillo piccerillo ca ve cunzignaie mmano a buie, int’a l’ Asile infantino...
La Suora
Difatti... Mi ricordo...
Don Gennaro
(Povera femmena!)
Carmela
E che fa?... Se porte buono? S’è mparato a leggere?...
La Suora
Sì... certo...
Carmela
A scrivere pure?
La Suora
Oh... sì... tanto bene...
Carmela
(a Matalena)
’O ssiente? E tu non saie manco ’a santaroce!.. (Alla Suora) E quanno vene?.. (cercando con gli occhi l’economo) Signo’, ’o piccerillo che fa? Vene?... S’è fatto tarde, io mme n’aggia ì... Signurì?...
Don Gennaro
(fingendo di accomodar carte)
Che?... Un momento... qui c’è la suora... parlate con lei...
La Suora
(come sorpresa)
Come, come!... Qui il piccino? Venir qui?!
Carmela
Sissignore... Chillo ’o signurino ha ditto ca mo...
La Suora
(pigliando un'aria quasi severa)
Venir qui? Adesso?... Ma no, figliuola! Ma può, non può!
Carmela
(sorpresa e spiaciuta)
Vuie che dicite?... E pecchè, neh suora ma’?
La Suora
(c. s.)
Ma il signor economo sa bene che il regolamento s’oppone!
Carmela
Uh, Giesù!... E...
La Suora
(all'economo)
Scusi, Ella ha forse dimenticado che v’è il divieto assoluto?... Sono ordini superiori...
Don Gaetano
(imbarazzato, vorrebbe secondare la suora e non trova le parole)
Sicuro... Ma... (Indicando Carmela) La signora qui... uesta buona donna... Infine... fate voi, suora...
Carmela
E ccomme! Chillo ’o signore ll’ha mannato pure a chiammà!...
La Suora
E ha fatto male, figliuola. (all’economo) Scusi se mi permetto...
Carmela
Vuie che dicite!... No! No!... Io ll’aggia vedè!... Chesto che cos’è, neh suora ma’?!...
La Suora
Mi spiace proprio...
Carmela
(dispiaciutissima, insistendo)
No, suora ma’, vuie mm’avite fa sta carità! E chi se move ’a cca’ ncoppa!... Sicuro! Doppo c’aggio fatto nu miglio ’e cammino!...
La Suora
(sorridendo, quasi carezzandola, persuasiva)
Un’altra vlta, via...
Carmela
No! No!... (quasi disperandosi) Essì, doppo nove mise ca nun ’o veco, vengo ccà ’a vascio a ll’arco d’ ’e Cangiane, ’o signore mme fa fa nu core tanto... e ched’è... tutto nzieme: «Non lo potete verere. Si appone il revulamento!» Ah, suora mia ma’, cheste so’ barbarie!... (quasi piangendo)
La Suora
Senta... le prometto...
Carmela
(c. s.)
Jatevenne... nun mm’ ’o crereva!... (a don Gaetano) Signò?... Vuie nun dicite niente?...
Don Gaetano
(imbarazzato, commosso)
Ma... figlia mia... Io poi chi sono?... C’è il soprintendente...
Carmela
(quasi a se stessa, con voce cupa)
Ma comme, io aggia essere sempe na sfurtunata!...
(Si ode, dall’interno, un canto a coro, infantile. Comincia confuso e lieve: si avvicina. La Suora si scuote: il suo volto triste si rischiara).Carmela
(come uscendo da un sogno)
Chi è? (Il canto s’avvicina e cresce. Le voci dei bambini, ritmate, si fanno più chiare. Tutti guardano verso il fondo).
La Suora
(a Carmela, indicando il pianerottolo che, in questo è attraversato, lentamente, da un'altra Suora di Carità).
Li sente?... Vanno in chiesa, adesso... E il suo piccino è lì... tra gli altri...
Carmela
(trepidante, si vorrebbe far avanti. La suora ne la impedisce, dolcemente).
Addo’?... Faciteme vedé!...
La Suora
Vanno in chiesa... Vanno dalla Madonna... Non si faccia vedere... Non li distragga!..
Carmela
(c. s.)
La Suora
A portar fiori alla Vergine... È il mese mariano, figliuola... A pregarla... pe me... per voi.. per tutti....
(Appare sul pianerottolo, dalla destra dello spettatore, la fila dei bambini dell’«Asilo». Li accompagna un’altra Suora che batte il tempo con una piccola macchinetta a tabacchiera che ha nella destra. I bambini, de’ quali parecchi portano fiori, hanno tutti un costume uguale e il piccolo grembiale bianco).
I Bambini
(cantando)
Noi siamo piccoli,
Ma cresceremo,
Sempre ameremo
Dio e la virtù!
La Suora
(che li accompagna)
Uno, due!... Uno, due!...
I Bambini
(c. s.)
Fiori alla Vergine
Portiamo aulenti,
Vispi e contenti
Ci accoglierà!
Preghiam pel povero!
Preghiam pel debole!
Salga alla Vergine
L’inno d’amor!...
Carmela
(Mentre i ragazzi passano tenta più volte di correr loro incontro. La suora riesce a impedirnela sempre. La bambina Maddalena è salita su d’una seggiola, per veder meglio. Scena di tutti gli attori; l’economo, gl’impiegati si adoperano anch’essi perchè Carmela non s’accosti al pianerottolo. Don Gennaro, muto, tremante, s’appoggia a una scrivania).
Sta llà?... Sta llà mmiezo?... Scusate... Faciteme vedé!... Addo’... stà?... Peppenié! (I bambini spariscono).
La Suora
Sttt!... Silenzio!... È passato...
Carmela
È passato!? E addo’ steva?... Io nun ll’aggio visto!...
La Suora
Oh, come! Lí... in prima fila...
Carmela
(spiaciuta, emozionata, balbettante)
Nun l’aggio visto!... Matalè, tu ll’ ’e’ visto?...
Matalena
(scendendo dalla seggiola)
Sì... mm’è paruto... Teneva nu bucchè mmano...
Don Gennaro
E isso era!...
Carmela
(alla Suora)
E dint’ ’a chiesa nun ce pozzo i’?...
La Suora
Non è permesso...
(Un silenzio. Carmela pare che non osi più protestare. E pare che parli a se stessa, con gli occhi a terra, con le labbra strette).
E già... Facite comme vulite vuie... Nun c’è che fa... (dopo un poco, alla Suora) Sentite, suora ma’, io mme stesse nn’ato ppoco... ll’aspettasse... ma vuie dicite ca...
La Suora
Figliuola mia! Ma se resteranno in chiesa più d’un’ora!
Carmela
(sorridendo amaramente)
E già... chesto dicevo pur io... É troppo giusto...
La Suora
(affettuosa, sorridente)
Carmela
Comme vulite vuie... (resta muta per poco. Poi a Don Gaetano) Signo’, avite visto?... ’On Gennà?... (don Gennaro s’avanza, commosso, fingendo di non esserlo) Avite ntiso?... Me n’aggia i’.
Don Gennaro
Embè... E che fa?... Me’, Carmè, serve pe ce vedé n’ata vota... Ubbedisce ’a suora madre...
Carmela
E nun fa niente, va!... Jammuncenne... (prende per mano la bambina) Matalè, jammuncenne... (alla Suora) Sarranno ’e peccate c’aggio fatto, suora ma’!... (sorride, stende la mano per pigliar quella della Suora) Faciteme vasà sta mano... So’ ’e peccate, ’e peccate!...
La Suora
Oh, no! Ma lei è tanto buonina!
Carmela
(ridendo)
Buonina!... Lei site buonina! (fa per baciarle la mano: la Suora, invece, l’abbraccia).
La Suora
Carmela
Sì, sì... Mme ne vaco... mme ne vaco... Nu’ ve voglio tenè cchiù mpedita... (a Don Gaetano) Signò... aggiate pacienza pure vuie... E scusate d’ ’e chiacchiere...
Don Gaetano
(balbettando)
No, figlia mia, no!...
Carmela
’On Gennà, stateve buono...
Don Gaetano
Carmè... ’a Madonna t’accumpagne...
Carmela
(agl'impiegati)
Signore, a tutte!... Stateve buone. Ce vedimmo n’ata vota... (fa per uscire).
Don Gennaro
Sentite, figlia mia, quanno turnate... Nun saglite fino a ccà ncoppa...
Carmela
Don Gaetano
C’è il parlatorio a pianterreno...
Carmela
Va bene... comme vulite oscellenza... Viene, Matalè, jammuncenne... (verso l’uscio a sinistra dello spettatore) Bongiorno a tutte. (ricordandosi) Ah!... Mo mme scurdavo!... (alla Suora mentre si fruga in saccoccia) Suora ma’, nun sia pe cumanno... (cava dalla saccoccia un piccolo pacchetto che porge alla Suora). Ll’avevo purtata na sfugliatella... (tastando il pacchetto) S’è fatta fredda...
La Suora
Glie la darò io... (mette il pacchetto sulla scrivania dell’economo) Non dubiti... E ora la voglio accompagnare...
Carmela
(presso la porta, voltandosi ancora per salutare)
Signori miei, bongiorno a tutte!...
(Esce. La Suora esce con lei)
Un silenzio. A poco a poco ciascuno ritorna alla sua scrivania. Seggono tutti. Don Gennaro rimane impiedi, accanto a Varriale. Don Gaetano guarda verso la porta per la quale è uscita Carmela.
La Suora
(ricompare dalla porta, lenta. Passando davanti all’economo)
Ha da dirmi nulla?...Don Gaetano
(scuotendo la testa)
Grazie... nulla...
(Un’altra suora appare sotto l’arcata e fa un cenno a Suora Cristina che esce con lei).
SCENA ULTIMA
I precedenti — poi Rafele
(Un penoso silenzio. L’economo, lentamente, pensoso, passeggia per la stanza: si arresta, guarda Mazzia che s’è preparato come per continuare a scrivere).
Don Gaetano
(improvvisamente)
Mazzì?
Mazzia
Cavalié?
Don Gaetano
Voi... volete continuà st’esposto?
Mazzia
Come volete voi...
(Pausa. Si torna a udire, ma molto lontanamente, il canto dei bambini).Don Gaetano
Addo’.... eremo rimaste?
Mazzia
(leggendo)
«Che trovandosi in impellente urgenza di denaro...»
Don Gaetano
Be’... (detta) «Si rivolgeva perciò alla Signoria Sua Illustrissima...» (fa due passi verso la sua scrivania e vi sporge il pacchetto dimenticato dalla Suora. Sussulta. Resta a contemplarlo per un momento. Entra Rafele e s’avvicina a Mazzia).
Mazzia
«Signoria Sua Illustrissima..» (a Rafele, sottovoce) Mm’ ’e’ jucato ’o bbiglietto?...
Rafele
’O vedite ccà.
(gli porge il biglietto del lotto)
Don Gaetano
(commosso, cerca una sedia e siede)
«Nella speranza...» (la tela comincia lentamente a scendere) «Nella... speranza...» (quasi singhiozzando, con voce rotta) «Che... la bontà... la bontà della... Signoria Vostra... Signoria Vostra... Illustrissima...»
La tela cade